سؤیگی

گنگیرگنیپ غالئپدئرئن غارشئنگدا

گِینه نینگ ماخمالئنگ آلئ – غئزئلئ

گؤزلرینگ غاراغئم غاماشدئرئپ دور

سن هایسئ تالانگچئ تایپانگ گؤزه لی؟!.

*

غازال لارئم سنینگ گولکینگه پشگش

آرزووئم سالایسام غوُلتوغما سنی،

سولخوم بیلن منگزش پریشان ساچلانگ

یاقئملئ یاغدایا ألتمزمی منی؟!.

*

سن منینگ گؤزلریمینگ منزیلگأسی سن

سن سؤیگی کروه نی، سؤیگینینگ گؤچی،

کؤنگلومینگ- جانئمئنگ چالان سازئ سن

سن منینگ یازئمئنگ سئپالان ساچئ.

*

کؤشأرمیکأ سؤیگی دنگزینگ توُلقونئ

سنگ اوغرونگدا گزیأن، گلیأر یته سیم،

اؤورن سم دییپ سندن سؤیگی آیدئمئ

سنینگ دوُداق لارئنگ منینگ هؤوه سیم.

*

گؤزلریم غوُی غانسئن گؤزل کشبینگدن

گل موره هِت ایله، چاغئر یانئنگا

غارشئنگدا من غوُشغئ یازایئن سئنلاپ

هم اوُقایئن آیدئم ادیپ شانئنگا.

***  (عبدالقهّار صوفی راد)