توًركمن ناما

«توًركمِن نآما-ائقبآل»

آتا- بآبا گِچِن لِرمينگ ائقبآلي

 

غانئمئنگ اِليندِن دوُمآنا دؤنوًب

 

اِنچِمه ايل اوْغلي ، بِييك سِردارلار

 

اؤلدوًلر دؤوران لار يامانا دؤنوًب ، *

 

آسمانئنگ يوًزوًني غوُرشآب غارانگقي

 

آي- يئلدئزا ، غارا گؤزلر غاپئلئب

 

غوْرقي آبانئبدئر آسمآندان يِره

 

گؤزيِتيم سيز پِنجِره لر ياپئلئب . *

 

شوْندا توًركمِن اوْغلي غارري قآقالام

 

شوْل واغئت لانگ مأشه لرنينگ پِلِنگي

 

جوُدآ توًرگِن لِشيك بيلِن بآتئرغاي

 

غئرئب غانئم ، ياسآب دئرلار آلانگي . *

 

بيلمِن شوُم ائقبآل مي يآ كِج پِلِك مي

 

اوْلانگ دوًنيأسينه ياغئب هاراسآد

 

بيردِن صَحرالارنئنگ تأميز سَحِرني

 

اوْغوُرلآب ، غوْيمآندئر باشدا پاراصآد . *

 

شوْندا شوْل بآتئرلار اوُغوُر ييتيريب

 

اِديأن ايشين بيلمأن دارغآبِريبدير

 

«مانگا نأمه» دييليب ، ياتان اوْنگلانئب

 

ياتمادئق كؤپ غارا گؤز آغارئبدئر . *

 

پِنآكأر تاپمادئق دارغانئق ايله ،

 

اِيِِم سيرأبديرلر كؤنه دوُشمآن لار

 

غوُروُددان بير مآلا چوْپان بوْلارمي!؟

 

رَحيمدار بوْلماز- لا بيگأنه هآن لار. *

 

غوْنگشي پِنجِره سي اوْن سوْنگ توًركمِنه

 

هوْجايئنئنگ پئيآن- زأگِو سِسيني

 

يانگلادئب دوُروُبدئر ، توًركمن آغا- دا

 

روُغصادسئز توُتمآندئر توْيني يآسئني. *

 

چآغالار- يآش لاردان، زَحمِت طالاب لي

 

شاللاغئنگ ضاربي نئنگ كؤلگه سي دوُردي

 

اوْنگمادئق ائقبآل دان نآلئش لي توًركمن

 

كأته هئرچئن ديشلأب كأ بوْيوُن بوُردي . *

 

يئقئلدي ، سوًيرِندي ، آدام اؤلمِزميش

 

دؤره ديب غوْرقوُدان آق مرمرلي تآم

 

لآيا باتان آياق لارنا سِر اِديب

 

غام لايئنا چوًمدي، دييدي نأحاطام ، *

 

هاچانا دِنگ توًركمن توًملـوًگه دوُشوُب

 

سئپامالي اوْنوُنگ غارا يوًزوًني

 

دردينگ رِشته سيني ايشيأرمينگ ائقبال

 

بِس اِد، گؤركز ايندي اوْنگا يآزئنگي. *

 

گؤزلريندن اوْغرئن آقان ياش لاري

 

گؤرِن يوْقدي مِرد ليك دامار باردي- لا

 

شوْل داماري غئرئلمادئق توًركمِندِن

 

بيرگوًن غانئم تاغتي تار-ي- ماردي- لا. *

 

تِرينگ دؤولت گيج گلر دييِن ائنام

 

گؤزلرينده مئدام توْلقوُن لآب دوُردي

 

دِگمه ديگه دِگمأن هيچ باشئن اِگمأن

 

اوُزاق دؤوران سوًرِن تاريخي بآردي . *

 

شِيديب آغئر گوًن لر گچيريب باشدان

 

تاس دِميگيب باريآن توًركمنه، ائقبآل

 

اؤلمزيالي بير گؤزه نِك دِم بردي

 

دييدي شايلا آتئنگ قاق آياغنا نآل . *

 

شوْندان سوْنگ كِم-كِمدن توًركمن دايانئب

 

پايخاس بوًرگوًديني اوُچوُردي گؤگه

 

صَحراسي نئنگ دگره سينده ياينادي

 

گؤزيتيمي يِتدي كمرلي داغا . *

 

آدام لار ،غادئرني بيليب دوْستلوُغئنگ

 

ياشايئش گوًل آچدي منگزه دي بآغا

 

اِليمدن توُت اؤلمزيمدن اوْزال دييب

 

دؤره دي هؤوِس لر آيدئم آيدمآغا. *

 

شِيديب صَحرام غوُجاق آچدي آق باغتا

 

ياز ياغئشي يوُودي زميني- گؤگي

 

تانگرئم! كؤپ گؤرمه گيل ، اِچيليب دوُرغوُل

 

ايل- گوًنوًمه پايخاس بيلن ، پأك دوُيغي . *

 

گؤرگي گؤرِن ، نأگوًن گؤرِن توًركمنينگ

 

ياشئل بوْلسوُن بآغي، بآري يتيشسين

 

توًركمن بآغئنگ گؤك ياپراغنا هرگوًنوًم

 

سَحِرچئغي باغئت بوْلوُب ساتاشسئن! . *

 

                                                 عبدالقهّار صوفي راد