سن اوُزاق ياشا
شوُ غوشغيني ايليمينگ يتميش ياشي آرقا آتان مردان لاري بولان حاج مراد دوردي قاضي، نيازجان
نيازي، نظرلي محجوبي، حاج چاري مراديان، نورمحمّد متّقيو بيلهكي أگيرتلره حؤدورلهيأرين:
سن، ياشاپ يؤرسونگ دوُيغولارينگ بيلن
سن، ياشاپ يؤرسونگ غايغيلارينگ بيلن
يتميش غيشي ديريليكده گچيرسنگ-ده
اؤلوم، نأچه گزِگ بزهنيپدي غارشينگدا
ساچلارين داراپ.
سن كأته اونوُنگ
شوُ مِيميرأپ ياتان توپراغا آبانيپ
غان ياغجاق بوُلوُتچا گوممير دأنيني-هم
گؤروپ دينگ،
سن ياشاپ يؤردونگ غايغيلارينگ بيلن
سن ياشاپ يؤردونگ غايغيلارينگ بيلن
بوُلوُتلار گونشي غاباسا-دا
گوللر،
سنينگ، ايسسينگا چوياسي گليأر اؤزوني
سن اؤز گويجونگي غايغيرانگوق
نوُر چايماق اوچين
غازاپ بيلن مأحير، گؤزلرينگده
تولقوُن اوُريار
غايرات سنينگ سؤزلرينگده
تولقوُن اوُريار
بيزينگ چاغالاريميز
سنينگ كؤنگول آرزوُنگي
سأحرامينگ غايالارنا دأل-ده
ياقيملي سايالارنا ناغيشلار
سنينگ دويشده گؤرنلرينگي
من بوگون ساميرداماق
گچدي اول غاراقچيلارينگ
غومپاريپ
بوُيروُق اِديأن زاماناسي
گچدي ايلينگ سرحوش بولوُپ
يالاندان گولوپ
حاليس بولوُپ
حورروُق آتيان زاماناسي
سن!
بيشن بوُغدايلاري گؤردونگ
سن ياغشيني اِكدينگ
ياغشيني اوردوُنگ
سن كورهگي بردينگ ايل اوغوُللارنا
اؤز اوغوُللارنگا
حارماني ييغنانگ دييپ
ميدام، آق اِرتيري بوُشلادينگ، گزدينگ
گينگ آسمانا-بوُ زمينه
سن ياشاپ يؤرسونگ دوُيغولارينگ بيلن
سن ياشاپ يؤرسونگ دوُيغولارينگ بيلن
سن اوُزاق ياشا!
سن اوُزاق ياشا!.
منّتدار
ناماز اوقاپ بولسام غاشينگدا ساييل
گيجه-گونديز دينماسام-دا غوُربوم بار
ياشلاريم آياغنگا دؤكمأگه ماييل
اؤكينمن اوُغرونگدا كؤيسم نأزلي يار.
گِردنينگه ساچلارينگني چؤزلأنگده
ييلغيرجيراپ اوغرين مني گؤزلأنگده
سوزوپ نرگيس، غوُنچانگ بيله سؤزلأنگده
يورگيمده ايشغينگ كؤزي اود آليار.
آي بولانگدا آراسيندا غيزلارينگ
آز گؤرونيأر يالقيمي ييلديزلارينگ
قوُوات بريأ جانا غارا گؤزلرينگ
ييلغيرشينگدا مونگ بير دورلي حونأر بار.
تيكن بولسام من غوراسام سن گولي
يولماسا حيچ حاچان غايرينينگ اِلي
يا-دا بولسام سنگ چارباغينگ بيلبيلي
پاسيللار، مودويمي بولساميش باحار.
ياغشينيواسپ اِتمك جِننت دير بلكي
غاووُنينگ ياغشيسين ايير شاغال-تيلكي
دونيأ ايكيميزي آغلاتسا، گولكي!
واح بوُ اؤنگدن گليأن قادا، بأزيگأر.
گول ايشغيندا سايران بيلبيل ايكيميز
يولماسينلار تر غيزيل گول ايكيميز
يار بولماغا چملي آسيل ايكيميز
بيزينگ ايشغي دوُيان قالبا ميننتدار.
آق گون حاقدا
من اؤزومي حاسرات-كولپتده گؤريأن
دوُرموُش گؤز اؤنگومدن حاتار گچنده
كأته اؤز اؤزومه گؤوونليك بريأن
دوُيغوُلاريم سني سايلاپ سچنده.
بير ميدار اِديأرين سنگ يادينگ بيلن
گرشيم اگيلمهيأر گؤرگي گؤرسم-ده
من اؤزومي كأته پولات دوُييارين
كولپتلر اودوُنا يانيپ دوُرسام-دا.
مني ألتينگ اِركاناليق سأحرايا،
ديييأن سالغينلاري سوُو اؤيديأنلره،
كأ ديگيرگنيأن واح آلاچ يوق چونكي
جؤوِن دييپ اِكهنينگ گؤگِريأر تره.
كألر باش ساراپ يؤر آغيرماسا-دا
گيجه يالي گومورتيك اونگ اوي لاري
كأ گؤز ياشين سيزسا گونيواي لارا
ينه بير گون غولداپ يؤر اول بايلاري.
گچيأر آغير! گچسه-ده قين چأره يوق
يارا پورساپ، اؤز دؤوروني سورمسه
پارحين بيليپ آق گونلري كيم سؤيجك
آغير دردي چكيپ گؤرگي گؤرمسه.
حاوا «آق گون» سنگ يادينگدا دألي من
سني سايلاپ سچدي آقيل - دوُيغوُلام
گل سن ايندي غادرينگ بيلرچه بولدوُق
بوُ توملوكده آرتيق توُتمآلي ماتام.
دؤنن گؤوون
گويزونگ يووروك آتي
يارينگ زولپوني
گرشينه غوندوُروُپ
گلدي غاپيما
من، اوُميتدان بير چاناق چؤرك ياپيپ
ايزيندان يولداپ ديم
اؤنگرأك
بوُ گون، يورگنه داش باغلاپ گليپدي
يؤنه بوُ گيدن آسمان
يِري غوُرشاپ دوُران ياليدي، اينگ بريپ
ميلغاجاق بولدي
قالبينينگ غاملاري ماي برمهدي دوداغا
گؤزلريندن ياپ ياسادي دوُيغوُلار
من، باغريما باسيپ:
«گچميشي اوُنوُت» دييديم،
غاپيدان سر اِتدي
دؤنن گؤوون ايرزا بولمان
ينه زولپوني
گويزونگ يووروك آتينينگ
گرشينه غوندوُروُپ گيتدي غاپيمدان.
چؤل
چؤل،
آغير يوك
چيلشيريملي يول،
دويه؛
اِنديك اِدن دوُرموُشيندان ايرزا.
يؤنه،
كؤشِكلرني بير دينداران
تاپيلمازميقا؟!.
اي اوُميت پنجرهدن اوم اِدن پريشده:
آغلامازليغي،
سن اونده دينگ مانگا
غوشغيمي غوُرشادينگ
بير غوُجاق چوغ بيلن
- يازينگ گونشي دي-
اِي اوُميت پنجرهدن اوم اِدن
پريشده
يورِگيم يؤرگونلي قادالارينگ قاماتينينگ آستيندا
آغلاماغي اِنديك اِديپدي بير زامان
نوغتالي اِرككلري من، گيجأنينگ گومورتوگينده سايغارماغي باشاريپديم.
گؤز اؤنگومده:
تاريحينگ ياغشي تألييندن تاماسيز
آغتالارينگ
آرمانلي آغيلاري
غولاقلاردا: كر بولياردي
باغتي چوومهديكلر
ياغشي دويشونگ آرزوُووُندا پازلايارديلار
نهننگ من سر اِديپ آغلامازديم اونسونگ
واح، بير اوتچا يانماغي اِنديك ادن يورك
غار كوتلأن غيش دي دونگوپ بيلرمي؟
يؤنه سن، گور جنگنگلينگ جِمندرلري
غاپيلان غاراقلارني
گؤرمأگه غوُرپي چاتمان اؤلرلر دييدينگ
اي اوُميت پنجرهدن اوم اِدن
-پريشده
آغلامازليغي،
سن اونده دينگ مانگا
غوشغيمي غوُرشادينگ بير غوُجاق چوغ بيلن
-يازينگ گونشي دِي-
اِي اوُميت پنجرهدن اوم اِدن - پريشده.
...يازي گؤريأن.
من بير كپلهگينگ غاناتيندا يازي گؤريأن
من بير سانجاليغينگ اوُچوُشيندا يازي گؤريأن
من،
كؤچأميزدن گچيپ باريان غيزي گؤريأن
گؤزلرينده يازي گؤريأن،
ياشيل - سروي آغاچ
گؤيأ يله برندير اؤيديأن
زولپلرين
من شوندا ياز بوليان، اِديل
يوزلريمده گؤگريأر
غيزيل گول
ساري گول
آق گول...
من، بير كپلهگينك غاناتيندا يازي گؤريأن.
دوشونشمك گرِك
حايوانلار اؤز بير-بيريني دآلارلار
اييِرلر،
يؤنه سنگ آدينگا اينسان دييِرلر.
سن غارشيلا گول بيله
گولر يوز بيله
غارشيداشينگي
بولسا بِر نانينگ آشينگي
غيشا يولوُقديرما كيشي يازيني
گؤوروملي بول چك نأزيني
بير حيل نأز اِتمكدير اينسان غاحاري
دوشونشمك گرِك،
دوشونشمك گرِك.
دوستلوُق
من اينسان من،
سؤييأن،
آيينگ يالقيميندا ياينايآن لاري
من اينسان من، سؤييأن
بآر، گونشدن پاي آليآن لاري
دوُيغوُلاريم اولارينگ بآرينا سرپاي.
من اينسان من،
سؤييأن،
آق گول، ساري گوللري
غيزيل گول لري، ماوي گوللري
منگزش توحوُم لاردان
اِلوان چِترهمك
دونيأنينگ گؤركي
سؤيگي نينگ، اؤزهني - اؤركي.
من اينسان من،
دوستلوُق من اوچين،
آسمان دوستلوُق اوچين
كبدر دوستلوُق اوچين
شمال دوستلوُق اوچين
كِبه لك دوستلوُق اوچين
آي - گون دوستلوُق اوچين
حِرييل دوستلوُق اوچين
بوُيِر دوستلوُق اوچين...
دوستلوُق من اوچين!
نهننگسي سؤيمهجك اونسونگ
نهننگ سؤيولمهجك.
من،
گونش چوغوُن پايلاشيانلارينگ باريني سؤييأن
من اينسان من، دوستلوُق من اوچين
من بِحيشدي غيسغاناموق حيچ كيمه.
غورقي
گور غاميش ليقدا من اوتيرين؛
يل،
ياشيل ياپراق لارينگ اركين آليپ دوُر
اِيمِنجي بير زادينگ روُحوُنا منگزأپ.
شيله ياشيلليغا دولسا-دا گؤزوم
غورقي منينگ يورهگيمي دآلآپ دوُر.
ياز!
سؤيگيني - ياز! منينگ
غوُجاغما گتير.
غيشي اوواررادا جايلاپ
گول يوزلي مارالا غولوُمي يتير،
ايكي أديم ليك، آراليغينگ توملوگين
بؤوسوپ،
كؤيِن آرزوُولاري سنگ اؤزونگ بيتير
سؤيگيني - ياز!، منينگ غوجاغما گتير.
بحيشت
بحيشت سنينگ گؤزلرينگده دوشلأپدير
دِمينگ حوواسيني يوزومه چاي
غوي، گول لر، گولكي بولوُپ گؤگرسين.
غوشغولاريم
يالنگيز اؤزوم اوْقاپ آغلاريارين!
منگ ديليمه كيم دوشونيأر.
سؤيگي
سن يازينگ گونِشي! زولپونگ چوغلاري
مانگا غوُجوُر غوشيار گويچ قوُوات بريأر
بوُ روُحوُم -بدنيم، گيجه-گونديزلر
دينگه سن دييپ ياتيار، سن ديييپ اؤريأر.
ايسته منم سندن، اؤزگه، حيچ باغتي
من اوچين، يادينگدا، گيجهلر ياغتي
دانگدانينگ اوُقوسي سويجييِنواغتي
حييالينگ دويشومده غاناتين گريأر.
پأك سؤيگا زرّه-ده شوپحه يتيرمأن
سندن اؤزگه يارينگ يوزوني گؤرمأن
گيجهلر، اوُقوسيز گؤزلريم، ايرمأن
گونديز سنگ اوُغروُنگدا غاراووُل دوُريار.
سؤيگوليم من سانگا يته بيلمن مي؟
آرزوُو درياسيندان اؤته بيلمن مي؟
حوُشوُمدا اِلينگدن توُتا بيلمن مي؟
يا - بوُ آرزوُو دينگه دويشومده شيريار؟
جوش اوُريا گون گوندن بوُ منينگ ايشغيم
سنسيز بوُغاريپ دوُر ايمارات كؤشگوم
گؤزلريمدن حرگيز گيتمهيأر كشبينگ،
قالبيم دينگه سنينگ يادينگدا اوُريار.
مندن بير بللي گپ توُتسانگ توُتماسانگ
منأ حيچ اوُنوُتمان سن اوُنوُتماسانگ
بلكي اوُنوُتمارسينگ موُندان اؤتمه سنگ
چون سؤيگي سؤنمز اوت، كؤپ اؤمور سوريأر.
ييگريم بيرينجي آسيردا
چاغا واغتيم شادليغمينگ كمي يوقدي
ياديمدا منگ، حيچ بير گؤزونگ نمي يوقدي
غايغي يوقدي گولكولرينگ چني يوقدي
دردينگ آسيل اؤزي يوقدي
غوُرساقلارينگ غامي يوقدي.
موحاپبت سيز اوبا ايلده گنگ لنردي
غازان غيزسا غونگشي اوقارا چملنردي
گيجه غيزلار لأله قاقيپ حِنگ لنردي
حر گيجهده بير اوجاقدا
ياقيملي سس يانگلاناردي.
چاغاواغتيم غان ايچمأگه تشنه يوقدي
زوُلوُم ديگن نامارت زادا آشنا يوقدي
آغزي بيرليك ايله باردي چاشما يوقدي
غاريپ باردي حر اوبادا
يؤنه غارني گوشنه يوقدي.
آسمانداقي ييلديزلارينگ ساني يوقدي
دوقوُزي دوزونگ تاماسيندا اوني يوقدي
ياغشيليقدي، ايللرينگ ياماني يوقدي
حر اوبانينگ حاني باردي
گؤزلرينده غاني يوقدي.
ساداليقدا ايلينگ گوزهراني مِسدي
كيم اوُيماسا دينه ايشي اونگ عبث دي
ياشلار اوچين آق ساقاللار موُقاددِسدي،
موُقاددِسلر يولووُردوردي
اؤنگ، موُقاددِس، موُقاددِسدي.
چاغاواغتيم اوقاماغا تاقات باردي
حر كيم اوچين بير يتمأگه ماقسات باردي
ايل آرادا بارچا ياغشي آدات باردي
ايندي يامان، سِت بولوُپدور
اؤنگلر يامان، آغساقلاردي.
گِلِجگه غاراپ گچيأرينواغتيمي
سوزگوچ سوزمز بير اوُللاقان آق باغتيمي
اِكلأپ بيلسم اركاناليق داراغتيني
توم گيجهدن اثر غالماز
دونيأميز بولار ياغتيلي.
شاحير سن سم بولما اويلان ياز قاغيزا
يتمز حرگيز بوُ تولقونلي دريا ديزا
اِلينگدأكي غالام سنينگ اؤتگور نايزا
غايغيرما-ديي چكينمأني
غالامينگ بولماسين غايزا.
چاغاواغتيم! ديييپ ياتما، گچمه موُندان
گونمه گوندن آرتيار ايل تاماسي سندن
ايل غاچسا-دا سن غاچماغين دپهگندن
اوُنوُتماغين اؤز بورجوُنگي
سن مايا غوي جان -و - تندن.
اثر= اِسِر
نوُرانا كؤل...
نوُرانا كؤل بولوُپ ياتيرسينگ
بير توقاي غارانگقيليغينك غاباديندا،
كأته من دوُييارين سني
-شمال سنگ اوستونگدن اؤوسوپ
چؤلي بزأنده.
واح بير آرزوُويم كؤيمأن
سوُونگا من ياقارميقام
غويوُنلاريمي؟
بوُ توقايينگ مؤجكلريندن آمان!
سرچهلر
سرچهلر جيگيللشيأر
بير غارا باش ييلان
اويناپ اوتير اولاري
يالان بيلن.
دوُيغي دولي حوولودا
سرچهلر جيگيللشيأر
باش باشا باراناق
بير غارا باش ييلان...
كيمينگ باشي اييلركأ؟!.
يومورتغا (دگيشمه)
شوُ گون راديونينگ آليپ بارجيسي
دييدي:
ديييأرلر جاپوُندا آداملار
گونده بير يوُموُرتغا ايييأرلر
شونگ اوچين
كِسِللأنوق
جاپوُنلينينگ يورِگي!
من ديييأن جاپوُندا ياشاسايديق بيز
يورِگميزأ حؤكمان كسللهمزدي
اييمهسهگِم گونده بير يوُموُرتغاني!.
آدام اوغلونا آرزوُويم
غاراشيان زاديمي بيلِموق اؤزوم
بيلموق نأمه اوچين توُتوُق يورِگيم
آغلايان اِنگرهيأن كألر بير اؤزوم
تاپاموق - تاناموق يالنگيز گرهگيم.
كأته من يورگمينگ آيتجاق دوُيغوُسين
اؤز ديليمينگ آشاغيندا جايلايان
واح آق اِرتير سنگ زارينگدا آح چكيپ
آيتجاق زاديم آيدا بيلمأن آغلايان.
بوُ توقايدا تيكنلرينگ گولي يوق
كأته بير ايراحات اؤلهسيم گليأر
تيكنسيز گوللري آرزوُو اِدهماق
يؤنه گوله باقيپ گولهسيم گليأر.
اِركينليك نبيسدن دينماقدير ديييأر
ايلينگ باشين آيلان نيچه يانگرالار
ياشاييشينگ حؤزيريندن سوراسانگ
كوتدك جوغاپ بيلن سانگا غينگرالار.
حوُداييم يانساميش اوُزاغا گيتمأن
اودي گول يرينه ايله سؤيدورِن
اِركاناليق يرنه ايلي كؤيدوريپ
چؤرك يرنه ايچده غانلار دوودورِن.
بيرگون ايردن توُرسام آسمانا باقيپ
غوُش لارينگ اووازي غوُلاغما دولسا
شاغاللار سسينه ايرِن غوُلاغيم
ياقيملي حِنگلرهم تاناسا - بيلسه.
آرمان گلرميكأ شيله بير باغيت
شوندا من گؤز ياشيم سوپورسم گرِك
آداملارا آيديم آيديپ غالقينار
آغلاماغي اِنديك اِدن بوُ يورك.
سن بيزينگ اوباميزينگ...
سن بيزينگ اوباميزينگ غولاييندا دوشلأپسينگ
بير غوُجاق گول، بير غوُجاق گولكي بيلن...
من، دانگدانينگ سويجي اوقوسين
غوُشلوُقدا دِوام اِديأنيمي آنگمان اِكهنيم
ياقيملي ايس، سنينگ غولاي گلهنينگي دوُيدوُريار
غوشلار سايراشدي اونگرأك
گونش گون اورتا تاراپ گؤنوگيپ دير.
تأزه ياشاييش!
آرقا اوقلا ساچلارينگني
ياز اثر نه يانگ توُروُزسين دوداقلارينگ
دويشده گؤريأن آرزوُولارينگي باس باغرينگا
نأمه اوچين سن اوم سوم اوتينگ؟!
گچميش اؤزون چيقماز بولوُپ
سنگ زِينينگده جاي لاديمي؟
غارا غايلار يا باشينگي آيلاديمي؟
دوين چاغاقانگ ساللانچاغينگ حوودوسيزدي
سونگ اوشأرسينگ دييِن بولمان
آياق غابينگ ييرتيق بولدي
جوراپ ديييپ دولانانينگ چوپرِك بولدي،
آغلامادينگ
اِنته سنگم اِنگرهمهدينگ
دوداقلارينگ ديميپ غالدي آحمير بيلن
اؤزگهلر،
يوزي غارا اؤيتدي سني.
سن يالنگيزليق بيلن دوزي بزأنگده،
گيچ آغشام آرا
اِلينگ آرقاسيندان اؤپوپدي
دينگه ايكي غارا گؤز
اوُزاقدان
آسمان آغلاپ،
يوزونگ يوُووُپ
زولپونگ ياشا بوياندا
گؤزلرينگدن اؤپوپدي
ايكي غارا گؤز
اوُزاقدان
شاحيرينگ گؤزي دي
شول ايكي غارا گؤز
ايندي ماي بريپ دوُر، سانگا
سأحرانينگ، سالقينجا يازي
آرقانگا آت ساچلارينگني،
ياز اثر نه يانگ توُروزسين
دويشده گؤريأن آرزوُلارنگي باس باغرينگا.
من كؤيموشِم:
داغلارينگ غارلاري اِرهدي دييپ
من كؤيموشمواح،
باغ لارينگ اوُلغامي دؤكوپ بأگولين
غان يورِگيمده نشتر اوُريار
من يانميشامواح.
سؤيگي يلكنينه اوُغوُر يوق
گؤزوم دنگيزينده،
باغتي كؤين ساليم لاري
پورساپ ياتان لوقوُرلارا حؤدورلأن
بوُ بيدوزگون گونلره،
غوُرباقالار آيديم آيديار.
ياغيشدان سونگ
بير دوُمان!
بوقوُرداقلارا بير سس!
ذكر چكيپ حوُو دييمأگه.
غوي من اؤز اوينوُمي اوينايين
ييقيلسام- دا.
آتينگ سسي گليأر شول آيتمرينگ آرقاسيندان
- سونگي داغي ياناپ -
اِي آي! سن گؤوسونگي باسير
آشيقلانگي دوُيماسين دوُشمان
اويناشينگ اوُغروُن
كسهكي لرينگ گؤرِجيندن
ساقلا آمان.
توقايدا ايرزا سيز
اِليمي گؤگه گريپ دوُروُن
غاراپ
من كؤيموشم،واح!
من يانميشام،واح . . . !
اوموُزلاپ اوتيرين اوُغروُنگي:
اؤپيأر باغرينا باسيپ يول
آياق ايزينگي
من اوموُزلاپ غاراپ دوُروُن
-گلسنگ غارشي آلارين، سورمه اِدينيپ آياق توْزوُنگي-
بوُ سؤيگيدن سؤزلر
ياقان اودوُنگ منينگ قالبيمدا، چوغي.
آلقيميمدا سنينگ گؤركونگ گؤگِرِر دييپ
من سوُوارماغا تاييار لانيپ
دوُروُن اوموُزلاپ، گلجك اوُغرونگي.
أپيشگأني آراسسالاپ
چويشهلرينينگ سيرني يوُووُپ
سأحرام شمالينگ تويني غوُتلآر
گؤك آسمان، آيديم آيدار دييپ
گؤزولدر، اوموُزلاپ اوتيرين شول اوُغرونگي.
بيلسنگ،
آياق لاريمينگ سوُستي باسيلاردي حر زامان
ايتلر حوو- حوولاپ اويرنده
اوندا- دا اِللريم سنينگ سوُراتينگي دويشورگأپ
يازغيجا ياپيشياردي،
بير اؤمور يتيم ليكده يايقاپ باشلاريمني
يوُووُپدي ياشلاريم غوشغوُلاريمني
من، ايندي اوُميتي أپيشگأ سينگدريپ
گؤزولدر، اوموُزلاپ اوتيرين يولوُنگي
گلسنگ غارشي آلارين، سورمه ادينيپ آياق توزوُنگي.
بير حاقيقات
ييگيت حؤوس لندي شأحدي آچيلدي
غيزلارينگ توپاري گليأردي سويشيپ،
يورهگيندن سيزان حيجوُو باريني
گؤرِجينده جِملأپ سر اِتدي جوشوُپ.
پأك ليگينگ حوُدايي غوُرساق لاريندا
ياشيل باشدي، غوُبا غازدي، سونادي
سنگنگين باسيپ گليأن شول گؤزللرينگ
آراسيندا بيرين اِييأم تانادي.
سولمورأپ، ساللانيپ اووادان غيزلار
دِنگيندن گچنده، ييلغيرجيرادي
شول تانيش گؤزلرينگ ايزيندان غاراپ،
دوُيدانسيز ايكي أديم اؤنگه يؤرهدي.
آياغينگ توْزوُني گؤزومه سورتوپ
سورمه اِدينسِم ديييپ آح اوُردي بيردِم
سؤيگي غو´مي گؤزلرينده مؤوچ اوُروُپ
حييال كنارينا آتاردي بيردن.
آق باغيتي يآرا مينآسيپ گؤردي
اوني آق كجبأ موندوردي ايلكي
- يونگ دوشكچه، يوپِك يورغان، آق دوُرموُش -
ييگيدينگ يوزوني غوُرشاپدي گولكي.
آيدان آيآشيپدي زامان اؤتوپدي
شول سؤينني آليپ باغيتلي ييگيت
يار اِليندن توُتوُپ گزأيسم دييِن
آرزوُ حيياللاري بولوُپ دي ناغيت.
ايلكي، چيقارديلار، كؤچأ بادا - بآت
سايغارايمازديلار گيجأني - ايري،
بير گون گؤزل يارينگ آياغني سورچدي
چارقانناقلي كؤچأنگ داشينينگ بيري.
-واح اِزيزيم - ديييپ توُتدي غولوُندان
سن منينگ يالنگيزيم داش بير بيلسه ميش
نأزيجك آياغنگي اينجيتما درهك
گؤزومه دگسهميش، جانيم آلساميش!.
شيرين - شيرين سؤزلر آيديلاردي كأن
ترغوُنچالار پشگش بولاردي يآرا،
زولپلر چؤشلنردي - يازينگ اِرِمي-
- سيموُتِن - دييِرسينگ دوُروُپدير بآرا.
**
شول سويجي دؤورانلار اوُزاق گيدهنوق،
واح نأتجك دوُرموُشينگ اوُزاق - دآ يولي،
واغيت گچيأر كويدن گيديأر بارچا زات،
چأرهسيز اويدگهيأر اينسانينگ پألي.
بير گون شول حألكي دآش ينه - ده گلنينگ
آياغني سورچدوردي، گلين سِرمهدي؛
بوش حوواني!
-واي... ح ديييپ،
شول آشيق اوغلان،
آراسين آچيپدي ياردان؛
بير آغيز شِي دييدي:
سِر اِت حاو!
گؤزلرينگ داغي كؤرديمي؟!.
«كيتابينگ سوْنگي»