«مِنينگ سؤيگوًلي يآرئم…»
غوشغوُلارئما غآنات بِكلأب
آيدئم لاردا اوُچوُراسئم گِلسه- ده
- يآش لارئم مؤنگنگوًريب، هِر زامآن-
پِنجِره ياپئق دييب،
دِمجيگيب ،
ائلغايآرئن چآر يآنا،
مئدام مِنينگ تِسبيم ،
لاپلآب دوُران يئلدئزلار .
مِنينگ سؤيگوًلي يآرئم
توًرمأني سايلآب مي دوستوُنا؟!
گؤزلِريني مِن چئرا اِده سيم گِليبدي اير،
مِني نآموُدلئق دِرده دوُچآر اِدمه دييب
يالباراسئم گِليبدي .
تِنيم سوممالئب دوُراردي كؤچأنينگ چِتينده
أسگِرمِزليك اِديب
مِنينگ روُخوُمي دِپه لأب اؤتِردي
آيرالئغئنگ اودوُنئنگ ،
يالاولاري تِنيمدِن كوًل سووراردي ،
من اوندا –دا غورقآ مِجآل بِرمِزديم .
گؤزلريم توًم ليگه تانئش لئق بِريب اير؛
هانجارني اِلينه آلئب هايقئرئبدي
چئرامي اِليمدِن آلسالار-دا
من نآموُدلئقدا اوتوُرمادئم ... .
ياقئم لي ائسي دوُيوُب توُمشوُغمي يِله بِريب دوُروُن،
غاراشئب ،
-گِلِرسينگ دييب-
سؤيگوًلي يآرا .
يآزا ائنام ، آشا جوشيآر دونگاق لي دِريآنئنگ
غئراسئندا دِلموُنوُب دوُران يِكه سؤودوًنگ گؤزلرينده .
يِتيش سؤيگوًلي يآر !
يآشئل ياپراق لاري باغئشلا مانگا .
«اوبآمدا دؤرد پاسئل»
دوغدوُق دپأم ! سني سؤييأن من؛
غئش ، آق غايماق لار غآلغايآر گؤگوًنگ غوينوُندا
دييِرسينگ اوُمئد ،
آق باغئتا ايشيك آچان يآلي
ياغئش دوًشوًنشيأر توپراغا سنده
بِره كِته چوُوال – چوُوال اوُمئد بآر .
يآز ؛
شمال اِكين لرينگ زوًلپوًني اؤريأر ،
گوًنش گوًلوًب باقيار،
مأشأنگده يِلميك ، دوًزوًنگده غالغان
چاغالار ؛
گوًيمِنيأرلر كِيپ له نيب
منينگ شول اؤرأ گيدِن مآل لارئنگ
آراسئندا ياينآسئم گِليأر .
سنده غوُنچالار غوُوانيآر
بيلبيل لِرينه ،
-گؤروًنگ مِنگ اوبآمي،موُندا دوستلوُق بآر! .-
دوغدوُق دِپأم !
سني سؤييأن من ،
گيدِن يول ، غوُرشآب دوُر غارشئنگي؛
دِمير اوُلاغ لارا ، اؤتِگ چي لره ،
بِزِِِگ بِريأر گؤك آسمآن
يام يآشئل يايلئم لي مِيدان ،
هِممه اوُغوُرلار ، اؤسوًشه طاراپ ،
دوستلوُغا طاراپ .
يآزئنگ مِيميرأن ماخالي
اوًلكِر بِزِگ بِريب باشلآندا آسمآنئنگا
توموُسئنگ هِنگيني تورغاي لارئنگ
سِسيندِن اِشيديأرين
دايخآن لارئنگ دآبان لاري اِنتأك غآبارئب دوُر
ساچاق دآقي حالآل دوُز اوًچین .
گوًنديزلر ؛
شآخئرقالبئم، ياقئم لي گوًن باتار چآغئندا ،
يايلئمئنگ دوًشلأن سالقئنئندا
غوشغوُدان گوًل بوغيآر ، اوبآم دييب
دوغدوُق دپأم ! سني سؤييأن من !.
دؤووًردؤنوًب ،
هورهور چآيي غايتادان ، بوُلانئب اوُغراندا
سن سوًيجي اوُقئنگي
دوستلوُقدان دوًیشوًرگأب ،
يالدئراقدان پآتآ آلئب
طئللآ گوًيزي پآيلامآغا اويانيارسئنگ ،
چيگره گينگ چئغي بِزه گ بِريأر كِشبينگه
غامئش لار توقاي لانگدا هوتازلآب ،
سؤرتوًك يِنه سالآم بِريب گِچيأر .
دوغدوُق دپأم سني سؤييأن من
من ، سنينگ دؤرد پاسلئنگي
هوشامآي غارشي آلئب يؤروًن .
ايل گوًنوًم جومآرد ، پايخاسدان پآي لي،
مِدنييِته بآي، آيدئنگ تآريخ لي .
آسمآن !
زِمين !
بآي لئغئنگ اِچيليب دوُر مئدام !
اومين !
اومين !
اومين ! .
«سِني کوًیسأب»
آغي لي آغشام لاردا
مئدآم سِني کوًیسأب
آدام لار
ناتانئش مئسآپئرچا
يِكه ليكده كؤچه لرينگ سونگوُنا يِتمأن
مازالاق بولاردي لار .
گوًنديزلر ،
بآم لاردا كِبدِرلِر
سؤيگوًدِن گيزلِنِردي لِر !
-اِنآيي بير اوُچوُشا
گؤوروًم لي بير مِيدآن بِلكي گِرِكدير.-
ايكيندين ،
پآزلآب اوتئردي مئدام ؛
- حوُمآرلئغي ساپانا باغلآب زئنگماق
كيمه باشارديار . –
داغي دِمجيكمِگيم آخمآل،
بير نأتانئش هووانئنگ حآطئرئنا
غازال دوًزمه گيم گِرِك .
اِي آدئنگا عآشئق مِن !
كوًممِدينگ بوُلوُدلاري سِني ياغاندا
من اِل لريمي گِريب دوُرارئن
بآغ بولوُب ؛
آلمآنگ ، دوُيغوُلاري مِنده دؤرأر
سِن مانگا تأزه دِن جآن اِچيلِرسينگ ،
تيمآرلانان گؤركوًم
آيدئم بولار ... .
«حاسرات لي غوشغي»
دوُشماق سانگا آرزوُووُم يآددادي
چاقدي يئلدئرئم ، یوًرِک چاتلادي
كِشبينگ اووادان نوُرانا آيي
بوُ گؤزلِريمده هِرگيز باتمادي .
گؤركأنه جِمآلئنگا من عاشئق
مِنگليم اووادان حآلئنگا عآشئق
لِبلِمده مِنينگ هؤوِس جوش اوُريآ
جآمئ ما غوُيان بآلئنگا عآشئق .
ائسسينگي اِچيلسِنگ ، بوُ کؤنگوًل غآر
توًملوًکده سئرئمدان حابار آل يآر
دانگ سآزا گِليب گؤر بوُ گؤزوًم ني
گؤزلِمده دِنگيز لِنگ اِثِري بآر .
بيلسِم-ده مِنينگ بيلِن لِريم يوق
اِلدِن گيدِريب ، گِلِن لِريم يوق
دينج مِنزيلينده اون اوًچ پِرده ده
اِركآنه هِنگين چالان لارئم يوق .
غورقئ ني آسئب ، اؤنگه بارماسام
اود- سوُودا سِني من آغتارماسام
روُخوُم دأليرأن يآز دِي ، ائنجالماز
ايچمأگه سِني ، جآما غآرماسام .
«توًرکمن نآما - ائقبآل»
آتا- بآبا گِچِن لِرمينگ ائقبآلي
غانئمئنگ اِليندِن دوُمآنا دؤنوًب
اِنچِمه ايل اوغلي ، بِييك سِردارلار
اؤلدوًلر دؤوران لار يامانا دؤنوًب ،
آسمانئنگ يوًزوًني غوُرشآب غارانگقي
آي- يئلدئزا ، غارا گؤزلر غاپئلئب
غورقي آبانئبدئر آسمآن دان يِره
گؤزيِتيم سيز پِنجِره لر ياپئلئب .
شوندا توًرکمن اوغلي غارري قآقالام
شول واغئت لانگ مأشه لرنينگ پِلِنگي
جوُدآ توًرگِن لِشيك بيلِن بآتئرغاي
غئرئب غانئم ، ياسآب دئرلار آلانگي .
بيلمِن شوُم ائقبآل مي يآ كِج پِلِك مي
اولانگ دوًنیأسينه ياغئب هاراسآد
بيردِن صَحرالارنئنگ تأميز سَحِرني
اوغوُرلآب ، غويمآندئر باشدا پاراسآد .
شوندا شول بآتئرلار اوُغوُر ييتيريب
اِديأن ايشين بيلمأن دارغآبِريبدير
«مانگا نأمه؟» دييليب ، ياتان اونگلانئب!
ياتمادئق كؤپ غارا گؤز آغارئبدئر .
پِنآكأر تاپمادئق دارغانئق ايله ،
اِيِم سيرأبديرلر كؤنه دوُشمآن لار
غوُروُددان بير مآلا چوپان بولارمي!؟
رَحيمدار بولماز- لا بيگأنه هآن لار.
غونگشي پِنجِره سي اون سونگ توًرکمنه
هوجايئنئنگ پئيآن- زأگِو سِسيني
يانگلادئب دوُروُبدئر ، توًركمن آغا- دا
روُغصادسئز توُتمآندئر تويني يآسئني.
چآغالار- يآش لاردان زَحمِت طالاب لي
شاللاغئنگ ضاربي نئنگ كؤلگه سي دوُردي
اونگمادئق ائقبآل دان نآلئش لي توًرکمن
كأته هئرچئن ديشلأب كأ بويوُن بوُردي .
يئقئلدي ، سوًيرِندي ، آدام اؤلمِزميش
دؤره ديب غورقوُدان آق مِرمِرلي تام
لآيا باتان آياق لارنا سِراِديب
غام لايئنا چوًمدي، دييدي نأحاطام ،
هاچانا دِنگ توًرکمن توًملـوًگه دوُشوُب
سئپامالي اونوُنگ غارا يوًزوًني
دردينگ رِشته سيني ايشيأرمينگ ائقبال
بِس اِد، گؤركز ايندي اونگا يآزئنگي.
گؤزلريندن اوغرين آقان ياش لاري
گؤرِن يوقدي مِرد ليك دامار باردي- لا
شول داماري غئرئلمادئق توًرکمندِن
بيرگوًن غانئم تاغتي تار-ي- ماردي- لا.
تِرينگ دؤولت گيج گلر دييِن ائنام
گؤزلرينده مئدام تولقوُن لآب دوُردي
دِگمه ديگه دِگمأن هيچ باشئن اِگمأن
اوُزاق دؤوران سوًرِن تاريخي بآردي .
شِيديب آغئر گوًن لر گچيريب باشدان
تاس دِميگيب باريآن توًرکمنه، ائقبآل
اؤلمزيالي بير گؤزه نِك دِم بردي
دييدي شايلا آتئنگ قاق آياغنا نآل .
شوندان سونگ كِم-كِمدن توًرکمن دايانئب
پايخاس بوًرگوًديني اوُچوُردي گؤگه
صَحراسي نئنگ دگره سينده ياينادي
گؤزيتيمي يِتدي كمرلي داغا .
آدام لار ،غادئرني بيليب دوستلوُغئنگ
ياشايئش گوًل آچدي منگزه دي بآغا
اِليمدن توُت اؤلمزيمدن اوزال دييب
دؤره دي هؤوِس لر آيدئم آيتمآغا.
شِيديب صَحرام غوُجاق آچدي آق باغتا
ياز ياغئشي يوُودي زميني- گؤگي
تانگرئم! كؤپ گؤرمه گيل ، اِچيليب دوُرغوُل
ايل- گوًنوًمه پايخاس بيلن ، پأك دوُيغي .
گؤرگي گؤرِن ، نأگوًن گؤرِن توًرکمنينگ
ياشئل بولسوُن بآغي، بآري يتيشسين
توًرکمن بآغئنگ گؤك ياپراغنا هرگوًنوًم
سَحِرچئغي باغئت بولوُب ساتاشسئن!.
«آغي لي سطير»
نچوًین آرقايئن لئق بولمايار آرقام؟
من ،
بير زادي اِليمدن گيدِرِن يالي
تِشويش لي مئدام .
ياش لئغئنگ يازي
يِلپه سه- ده باغي
نچوًین كيرپيك لرمي غارق اِديأر غام .
غاپئلان يالي غاراق لارئم ، بير جوًپ تانيش گؤزه
بيلمن نه دير منينگ حاطام
غئزئل گوًلوًنگ غاني دؤكوًلميش مي مگر ؟
کؤنگوًل غوُشوُم بِيله توُقاد
بِيني مينگ يازاسي گِليأر
آغي لي سطير... .
هاچان بولار تامآم
بوُ يوًره گيمده دؤرأن توُپآن
سؤيگي چِشمه سيندِن هاچان سآز آقئب
يانگ سالار بوُشلوُق ،
غوُلاق غوُتوُن آيدئما يوُووُب
غوُنچا ده يين آچئلمازمي سئنآم ؟
بير يودادان- بير يولدان ،
شِمآل حابار گِتيرمِزمي كأ ؟مِن گؤزوًلدِره ،
تأزه دِن توي توُتمازمئقآم ؟
گِچِن لريمينگ روُخي ،
دآغ لار يآلي، گوًیجوًن باغش اِدأيسه- آقآبالاردان-
صَحرآ يآشئل اؤووًسسه
غالقئنار اوبآم .
گؤگه دِپأم ديرأر ،
آغي لي سِطير ،
... تامآم .
«ووُصآل آرزوُوي»
كِرِميندِن بِلكي غووشوُرسئن بيزي
گوًل- بيلبيل لي يآزي ناغئشلآن تانگرئم
يا- دا ، سالسئن مِنگ يوًرِگمه سوووُق لئق
سانگا زيبآ گؤركي باغئشلآن تانگرئم .*
داغي مني عئشغئنگ دِردي هور اِدِر
مگر سؤيگي سبِب هون لئق بيلمزمي ؟
بيرگيجه آي ، سالئب گؤزلرمه ياغتي
يار، جمالئنگ منگ غارشئما گلمزمي؟.*
ساچ لارئنگ چؤش لري قئلئب بنديوان
چئقا بيلمن حئيالئندا هميشه ،
اوُمئد گؤزه نه گي بآغلي دوُر مئدآم
سِن حاقدا كِللأمده دوًرلي اِنديشه .*
سِر اِدمِزمينگ من اِجيزينگ حالئنا
گؤكده دؤرأن بوُلوُد لارمي سئرمازمئنگ ؟
دِنگيز دولي غايغي ياتئر غوُرساقدا ،
غوم لارئني گؤزلريمده گؤرمِزمينگ ؟*
ياغئش كيمين يآش لار سؤندوًرمِزمي كأ ،
يوًرگيمده عئشق اودوُنئنگ كؤزوًني ؟
هاچان حاصئل بولار مِنينگ مئرادئم
يآرئم هاچان گؤره رين كأ يوًزوًنگي ؟ . *
«غوُراق يِر»
عؤمروًنينگ بآري بولمادئق بآغ لار
نه چوًین اِكيليبدير .
بولسادي غاناتئم ،
هوُدايئنگ سؤيِن يوُردوُنا آشاردئم ،
اِرك شَهِري غآنات بِكلأب
گِلمِسه ،
شآرئنگ بوُ يآرئنا .
ايت لر كيمه غوُللوُق اِديأر
موُندا كيمه غانات بوليار
آت لار .
بير يوُدوُم لي توًنگچه بيلن
اوُچوُق لان بوُتشنه لبي
آللاب گزمك
آجي مانگا .
ياشئل يآزا – چشمه لره
هايسي غايراتئنگ غآري اِرأر؟
دوًينأب توًنوًنگ هآناسئندا ،
عاقئلئن اِيِرلأب
اوُغوُر تاپان بولمازمي قان؟
گوًر توقايئنگ كؤلگه سيني دئرمالآب
گونش سازئن چالان چآغا دوغماز مي قان؟
اينگ غارانگقي اوُزاق گيجأنگ
دوُزاق لاري ديديليب
اِرك شَهِري غانات بكلأب گلمز مي كأن؟
بوُ غوُراق يِِر ،
ياشئل يآزا – چشمه لره دولماز مي قان؟!.
«بيشمه ديك...»
بيشمه ديك هآم حئيآل،
مؤوریتی غوُتارمئش بير ديندار سئماق ؛
مأرِكأنگ ايچينده ، غومپاران بولوُب،
_ گِپ نوقاطلاب _
«دوستلارئنگ ايچينده چاقئر ايچيأن بآر»
ديييب بيري نينگ غونجوُنا غور غوُيان بولدي! .
-اِلبِت غوُري تؤهمِت دير!-
یوًرِگینده اود غويانسونگ شول گؤدِك -
-... باشئني يايقاب، غئنانچدان دولوُب، هئرچئني ديشلأب ؛
دييدي:
«نامآزئمي اوقايآن،
آغزئمي بِكله يأن واغتئندا ،
عوًشوًر-زِكآتئمي يِرلِشديريأن جايدار،
آدام لارئنگام بآرئني سؤييأن ،
حِدديني آنگيآن لاري وِلين آشاراق! .
ايلينگ ؛
مآلي
نآمئسي
جآني
ـ شاخصئيِتي بيلن ـ
اِِليندِن بولسا آمآن ، هر كيمسأنگ ،
_ غوُدوُراسا-دا ، آزـ اوولاق_
شونگا دوستوُم ديييب يوًزله نه سيم گِليأر ،
گوًنأ بيلسِنگ-ده سِن!.»
باشئني يايقاب يِنه-ده غوشدي ؛
«اِي ايكي آياق لي ...
هِركيمه آنگارچا تانگرئم ، آغي-غاراني
سِنگكي چه چاناغي سووغات بِرِندير ؛
شوني بيليب ، اِلينگه-ديلينگه گؤزغوُلاق بول
غايرات اِد- اِل گؤتِر بوُ كأرينگدن؛
-غايتا گِل دوغآ اِده لي-
شول هألكي ؛
اوًچ حاقي هِر كيمسأنگ
بولسوُن آمان بيرِودِن
-ايچِن مِسيندِن ،
يآ-دا دوًنیأ سِرمِسيندِن ،
يآ-دا،
سِن يآلي بيشمه ديك
چيگ کوًیلـوًسيندِن- !» .
«دوًیش»
گِل کؤنگوًل اوُچالي بأردِن
بوُ توًنِكده جآيئمئز يوق
چِمِن بوغوُب ايكيميزه
گوًلوًب دوُران آيئمئز يوق.
ايكيميز غووغالي باش لي
ديده لرميز مئدام ياش لي
بير پِري بآر پئلان يِرده
هوُرما ساچ لي ،غالام غآش لي.
شول پري ني غولاسالدئم
اؤتِن آغشام ساتئن آلدئم
شِيله باغئت بولارمي دييب
بگنجدن جاقغئللآب گوًلدوًم! .
دييدي آدئم آزادلئقدئر
ايسله سِنگ دوُر، ايسله اوتوُر
آرقايئن ياز، ايندي اِدمه؛
اوغرئن گوًرلأب مادئر- موُدوُر.
کأ بِگه نیب کأ گِنگیرگأب ؛
کأن چئرماشئب ، کأن گوًرلِشدیم،
آرمان بِگ لر، آرمان بگ لر!
دوًیش اِکن گؤزوًمی آچدئم ،
واخ دوًیش اِکِن ،
آرمان !
دوًیش اِکِن !.
«گيتگير»
گيتگير دييدينگ مانگا سونگقي دوُشامدا
يآشئم يالبارئبدي
گؤزلِرنگه غاراب ؛
- تاپاموق چأره !- .
«دؤووًر»
مِكيرلر ! ؛
ائزئنگئزا ايت سالئنئب قوووُلارا واغت غولاي .
گِچميش ده آخمئرلي دوُرموُشي يازان يازغئج لار
ايندي يادئني يويوُب تأزه دن قاغئزي بِزه يأر .
ايكي جهننِمينگ اووارراسئندا ائلغآن روُخ لار
پِلِك تيگيرين ساقئندئرئب !
- آسمانئنگ آنگي يِرينه گِليب -
ايندي گؤيأ ؛
كِبدِرلرينگ غاناتي دوُيوُلارا واغت غولاي .
توغسان دولوُب ؛
گوًنِش تاغامئندان گوًل لر گؤگِريب
دؤووًر دولانجاغئنا ائنام –
هؤووًرتگه ياسآبدئر ؛
آتدان غآلان آتالارئنگ ،
غويوُن لاري غوُردوُغان چوپان لارئنگ
يوًكي تآلانان بِزيرگِن لرينگ
گؤزلِرينده .
سوُوسوُزلئقدان ،
-يآب لارئنگ دوداغي تِبسيرأنده –
گوًلمأن-ائشمآن سولان لارئنگ
ايندي ؛
روُخي غالئقيآر !
آدام لار اِليندأكي بوش چوًيشأني زئنگئب
غآبغارلان توًم حئيآل لارئنگ اِليندِن، بوشآب
ايندي آرقايئن
سِس لرينگ غومي
گيدِن صَحرادا يانگ توُروُزيآر.
ايندي ؛ شِمآل،
گؤزلرينده آغلآن ياغئش لارني سوًپوًريب ،
- آياغي دوُزاق لي دآغ لارئنگ
گؤيدوًك آغاج لارئنئنگ يآشئل باش لارئني
سئپايآر.
يِر ، هاراسآد دان سونگ
چالئقيآر،-
گوًنألردِن .
هِممه زآد بير سوُپرادا
تاييآر .
«دوًرتمه غوُرساق»
غوُيما غوُرساق دوغوُلمادئق آداما
يآناشسانگ باشئنگا زئيآني يِتِر،
يامانا بيتِنسونگ ياغشآ ياراماز
آووُدئر آشئنگا زئيآني يِتِر .*
دوغان بولسا دوًووًن غويار باغرئنگا
اِگرأ گيدِر غوُلاق غويماز دوغرئنگا
كؤمِك بولسوُن ديييب چئقسانگ اوُغروُنا
غايتا مال- غوشوُنگا زئيآني يِتِر .*
غارداش ديييب بايسئنماغئن گؤده گه
ياقئن ديييب يانتاشماغئن تِنتِگه
تامآسي كؤپ، ائرضآ بولماز اِنته گه
يايدادار ، هوُشوُنگا زئيآني يِتِر .*
اِم سيز دِرده دِرمان دييسه اؤزوًنه
يالان دئر ائنانما آيدان سؤزوًنه
مِلهِم بولار ديييب چالما يوًزوًنگه
گؤزوًنگه غآشئنگا زئيآني يِتِر .*
دوًرتمه غوُرساق - گِپه غوُلاق سالماسا
دوغري دوس-غارداش يآنئنا گِلمِسه
« عبدالقهار» نِصيحات لار آلماسا
غاررادار يآشئنگا زئيآني يِتِر .*
«اوغلوُم»
شوُني بيليب ياشا اوغلوُم هميشه
ياغشي غئلئق يالنگئش اوُغرا ايتِرمِز
کؤنگوًلده كؤك اوُرسا ياغشي لئق باغي
بلا- بِتِِر لري باشا گتيرمز.*
ياغشي نييِت بيلن ياغشا دوس بولغوُن
ياغشي لاردان راخمات آرئغي آقار
شوُم دان سانگا شِر يوقاشار تيركِشمه
غوُري اودوُندان اؤل اوجارا اود يوقار.*
نوُخوُنگ اوغلي شوُم لار بيلن تيركه شيب
اؤزوًن بيلمأن ائفلاس ياغدايا دوًشدي
آتاسي نئنگ اورني آسمانا دِنگ لر
گؤر نه ننگ بلنددن پس لره غاچدي.*
ياشايئش اينيم لي، چئقئم لي يول دوُر
دانالارئنگ نصيحاتئن آل اوغلوُم
يولي تانا ،تؤوِكگِلي اِيِرله ،
يكه چاپما ،ايلينگ بيلن بول اوغلوُم .*
عبدالقهّار سؤيگوًن دوغدوُق دپأنگي
آبراي غازان، ايل –گوًنوًنگه بوُيسانج بول ،
پايخاسئنگ كأن بولسوُن دؤولتينگ آرتسئن
ايله گوًیجوًن يايان تؤكنمز گنج بول.*
«يارا غازال»
گؤزلرينگ گؤره جي توغتاغئم بولسوُن
دوداق لارئنگ پوسالارمئنگ واطاني
بيلبيل بولوُب سَحِر واغتي سايراسام
سروي بويوُنگ بزه مزمي چِمني؟.
گؤريأن ولي اكيليب سينگ يولوُما
گؤزوًم غايري گؤرمز بير گؤرِر سني
تانگري ايلكي كيرپيك لرنگي بسلأنده
ناظارئنگ اوقوُنا تابشئردي مني .
...
«ديِلگ»
غاپ ـ غارانگقي گيجه لرمينگ ياغتي آيي بول غوويم
گوًل دوًشأيين يولوُنگا گِل سؤيگي جامئن غال غوويم
عئشق آلاونئنگ ائسسي سئندان دادماق ايشين بيل غوويم
گِل موُخاپبِت كؤلگه سينده دوًشله بيزده غآل غوويم
يازا منگزش گوًل غوُجاغنگا عاشئغئنگني سال غوويم !.
«أر-عايال دنگليگي!»
اِركك گؤردوًم ، يئمسي لئقدان
اِرأب دوُر !
ياني بيلن عايالئني گؤردوًم ،
كيشي اؤنگوًنده ، ديلي بيرگِز
هالتا-هالتا گوًلكی بیلن مئلغاب دوُر،
أري-ده دوُر!.
أسگره ناق !
يالئم-يوُلوُم ، بيردنگيزچه هؤوِس بيلن
گؤزي غايرا غاراب دوُر،
شِيديب ؛
طاما دولي یوًرِک لره ياراب دوُر! .
«آرمان»
آتئنگ غاناتئنگدي بيرزامان
صَحرالاري سؤكِردينگ
مال باقاردئنگ
دأنه لري سِپِردينگ
ياشايئشي سؤيِردينگ
اويناردئنگ-يايناردئنگ
آسمان يالي دِم آلماغا يِر باردي.
ايندي عئشق يوق سؤيِره
ايش يوق غازانارا
ائشئق يوق اوُغوُرلاري گؤرِره ،
سوًتِمينگ اودي
باقارا ،
سِپِره ،
سؤيِره ،
غازانارا ،
گؤنِنِره ، غاربانارا ، گؤرِره ،
زاد غويماندئر ،
آرمان ! .
«دوًنیأ»
بير یوًرِک دولي دوُيغي ،
بير دوًنیأ دولي غايغي ،
... نه ننگ اون سونگ
ياسسانئب ياتارسئنگ ؟! .
«غوجا سؤودوًم»
بير اووادان سؤيگي حاقدا دوًیشوًرگأبجيك
آتارسامئش غارا گيجه دن دانگ بيزي
غوجا سؤودوًم! اوُلغام– اوُلغام شاخالارئنگ
يلپه سه ميش بير تأميزجه سَحِرميزي .
دوًينه چن لي آنگمادئغمئز بي حاسابدي
كيم آنگايسا اونوُنگ ايردن باشي سئندي
تانگري دوًشمأن طألِي ميزينگ چئرشئغئنا
كؤچأميزده يئلدئزلارا يول لار قئندي .
داغ لار تيتيرأب آيدئم لارني دئمان واغتي
آغي لارا غاپاس بولان تنيميزدي ،
بوغازمئزئنگ بيلبيل لرنه ، دِمير غاپي
مجال برمأن ، سؤيگي ماشغئمئزي بوزدي.
غوجا سؤودوًم شاخالارئنگ دؤووًلمه سين !
سؤيگي اوًچین ياشئل بولوُب گوًلوًب دوُرغوُن!
بيزه- گلجك نسيل لره گوًنِش بيله ،
عاشئق لئغئنگ حکایاسئن آيدئب برگين .
دوُز سپيلن اوُزاق يئلئنگ يارالاري
سنگ پأك قالبئنگ تأميزليگنه غوُتآر بلكي
بير آق سَحِر توًم ليگيني غارا گيجأنگ
ياپراق لارئنگ حاطئرئنا يوُدار بلكي .
غوجا سؤودوًم ياشئل اؤووًس ياشا ايندي
گوًنش سنينگ شاخالارنگا شادلئق غوشسوُن
كؤچه لرده ييتن سس لر ، ياپراغئنگدا
سؤيگأ دؤنوًب شمال بيله آيدئم جوشسوُن!.
«يانگلانئب اوتئر»
آغالار دوُيغوُدان دولي هوولوُدا
بيرگوًل آيدئم بولوُب يانگلانئب اوتئر
نه غاراگوًن لرني، یوًرِکدن ساناب!
اِنچه جوًپ غوُلاقدان دينگله نيب اوتئر.
دردي گؤيأ آغئر دوًشموًش گؤزِلينگ
آخ هيجران دييب زارئن سايرايار ديلي
اِشيدن گؤزلريم ياشارئب اوتئر
نچوًین سولموُش اونوُنگ غئرمئزي گوًلي.
درددِن دولي دوُيغوُلاري لاپئرداب
كأ ياقدي كأ چالا چاولادي مني
زارئن آغي لارني چئدادئم دينگلأب
سؤزلرنينگ آلاوي آولادي مني .
اوني نأگوًن اوًچین دوغوُردي زامان
اِزِل دن طأله يي شِيله دي ميكأن
سن دوًنیأ ! بي دِرِك آغلاسا آدام
اوًيدگه ، سيلكين، باغت چاي، غوي گوًلسوًن ائنسان .
« دوُيغوُلام»
گؤزلريمدن گؤزلرينگه يول ياساب دوُر دوُيغوُلام
ساري سوًنبوًل ساچ لارئنگني سئپالاب دوُر دوُيغوُلام
گؤزلريني غايچي اِديبديرتابشئرئبدئر کؤنگلوًمه
سؤيگي باغئن بار بِرِر دييب زول كِلأب دوُر دوُيغوُلام .
عاشئق آدام آشا مِس دير عاقئل بابي باغلانار
بير غئيئلسا سؤيگي غاشي مِست اولوُبان چاغلانار
سؤيگي سوُودان غاندئغئچا یوًرِک هِيهات داغلانار
دوُي مِني گِل، دردي هيجران دا چئداب دوُر دوُيغوُلام .
بير- ايكي اؤپوًشسِك اوُچسا عاقلئم كؤنه درده اِم بولار
گوًل يوًزوًنگدن سارالان كشبيم منينگ تيمار آلار
داش یوًرِک سنده اِرأيسه درديمه تالانگ سالار
ياگلر! دييب شِيله گوًن يولوُنگ غاراب دوُر دوُيغوُلام .
ياگِلِر دييب شِيله گوًن يولوُنگ غاراب دوُر دوُيغوُلام
ائغتئيارسئز آدئنگي سنگ غايتالاب دوُر دوُيغوُلام
آيرالاردان گؤز يوُماندئر بيل كي صاب دوُر دوُيغوُلام
سوُنماسانگ واصلئنگ سوُووُندان تبسيرأب دوُر دوُيغوُلام .
«اِي ....»
اي کؤنگوًل كؤچه لرينه بِلِد !
غوي؛
اِربدليك آزالسئن ياغشي لئغا يانالسئن
ائسسي یوًرِک لرده سؤيگي سانالسئن.
سندن ديله گيم ؛
غونگشي – غولام
دوست- يار
دوغان – غارئنداش
ائسسي نانئنگ مأتأج ليگين چكمه سين
گؤوني يئقئلماسئن، گؤووًن يئقماسئن
ساغ لئغئنگ ـ بِگ ليگينگ گؤزل گؤركي
مئدام گوًلوًب باقسئن يوًزلره .
اِي کؤنگوًل كؤچه لرينه بلد ؛
بيليأنسينگ آرزوُووُم ني
باحابارسئنگ ياغشي نييِتيمدِن ،
بِندِل غويما بندأنگي ،
من بير اؤتِگچي شآخئر
غوشغوُلارئمئنگ غاناتي ايل ـ گوًنوًمدير دييِن پيريم بار.
قئرقدان آشان يآشئمي اوُلاشدئر بير آرقايئن لئغا
اي کؤنگوًل كؤچه لرينه بلد ؛
غاي دان سونگ گيجأنينگ آنگزاق بوُزوُني چؤز !...
دييِن گؤزلريم نينگ نمي ني ،
سوًپوًرمأگه مِجال بِر .
غوُرد ائسئني كؤپِگميزه آنگدارمآن
شول سوًريميزينگ
غئللا يآرئني نأدأيدينگ ؟!
غئلاووُم ييتي لأب باشلايسا غوُدراتئنگدان
ـ اِي سؤيه گيم، سؤيگيم ـ
اوندا ياغئندان ـ يِلدن غايپئنمارئن ،
ينه ـده دوداق لارئم شاد غوشوُلان غوشغي بولار
آيدئم اوًچین .
توي لاري بزأر سازلار
بيليأنسينگ
بوُ یوًرِکده سؤيگي سوُولانيار
مئراد حاصئل بولار دييِن گؤزلريم نينگ
گؤره جينه نوُر چاي !
اِي کؤنگوًل كؤچه لرينه بِلِد ! .
حالئپالار« م-صبوحي ، ا-جرجاني»صوُنغاتدا سئلانان لارئ اوًچین:
شلپه قاقيآن بارماق لارا من غوُربان
ناغما ساچيآن دوداق لارا من غوُربان
آيدئم-ساز غاناتئم ، بايداغئم منينگ
گؤگه غالان بايداق لارا من غوُربان .
«روُخوم»
ينه-ده آق غار بولوُب ،
ياغار
شوندا سن روُخوُمدان آدام ياساغئن .
«بارزادلارئمئز»
يوق زادلارئمئزا غئنانساق-دا- آلادآ دوًشوًب-
بارلئغئمئزئنگ غادئرئني بيليأس
بارزادلارئمئزئنگ غادئرني بيليأس .
«آرمان»
يارئنگ عئشغي جوشا گتير کؤنگلوًمي
غوووُشماسام یوًرِگیمده بار آرمان ،
گلرمي يا گلمزمي دييب اؤتوًردیم
اؤتِن عؤمروًم دِيين ، گلمز يار آرمان ! .
بيرگوًن غاش اوينادئب مئلغاب گوًلندير
دوُمان آلئب يِري گؤگي بوُلآندئر
گؤيه دييرسينگ يارئنگ عَهدي يالاندئر
شوندان بأري كؤپ چكيأرين زار آرمان .
دوًیشوًمده-ده يالنگئزلئغئم يادئمدا
ائلغاب يؤروًن گؤزوًم ايسلأن زادئمدا
واخ تاپاموق عؤموًر ، كؤييأر اودوُمدا
تاب گتيرمأن جيسميم بوليار هور آرمان .
سؤوِر دوداق لاري سوُنماغا مايئل
بولسامئشئن يارئم، من شونگا سايئل ،
آجي بوُلغوُر بيلن ، آل بيلن كأ يئل
ياز ياغئشئنگ يرينه ياغدي نار آرمان .
آيدئم بولوُب گلر گؤرگيم ديليمه
هاچان غونار سؤيگي غوُشوُم گوًلوًنه
بيرگيجه ايلأيسه زوًلپي اِليمه
آرزوُو حاصئل بولار غوُتآر بآر آرمان .
«آيري بير دؤووًر»
يرله دييدي ياش لئغئمي
گوًلـوًمجيرأب ،
اؤز اِركينه گپلأنوقدي – گوًله نوقدي
شِيطان ؛
گوًنأ دييدي اِديأن ايشينگ ،
گوًر توقايئنگ غامئش لاري
اندامي نئنگ غان دامارلاري يالي
سوًيكِنيأردي تنينه ،
- گوًن، غامئش لارا سوًيكنيأردي، -
دأليرأن يالئدي ،
سئناسئنداقي كيري يوُوماق اوًچین ؛
توقايئنگ ته يينده ،
آقئب باريان چايا چاتماق حؤكماندي .
«طبيغات-آدام»
گؤزل طبيغات –
شول گؤزل طبيغات ،
ميلياردلارچا يئل دئر
گؤزل طبيغات ،
اير بيلن ؛
سؤييأنيمي دوُيدوُردئم
پنجيرأمينگ دوستي گؤزل بير گوًله
اِليم کوًیزه لي .
غوُشلوُق ،
يازئنگ كِپِلِگي ، گرشينه غوندي
ايكي سيني-م سئپادي گؤزلريم
شمال بولوُب .
يؤنه آدام لار ،
رَحيمدارلئق كؤچه سي نينگ سونگوُندا
بيربيرينه بؤگوًريأر !.
یوًرِگیمينگ بوُلوُدلاري
گوًنوًنگ داشئنا كِلِب يالي ياپئشئبدئر
منينگ أديم لريم آقارا ائمتئليار
گيجه يالي غارالئغي يوُوماغا .
«...شاخاسي نئنگ اوًستوًنده»
بير بي بار آغاجئنگ شاخاسي نئنگ اوًستوًنده
اركين دوُيغوُلارئمي – گؤكجه كبدرلري –
اوُچوُرئب اوتئن،
گؤم- گؤگ آسمانا .
چئنارآغاجي نئنگ شاخاسي نئنگ اوًستوًنده
يره سراِديأن
دئم دئرئس.
آقيار ، آغاج آشاغئندا ؛ آقار،کوًی لريمه غاباد،
دييِرسينگ پيكير درياسي يالي
سنينگ اون آلتئنگ داقي گؤزل ليگينگ سوُوا دوًشوًب
حئيالئمئنگ شمالي نئنگ ساچ لارئني چؤزله يأر:
گوًلكوًلرينگ تولقوُني يِِلديرگأن يالي
دوُرشوُنگا ياز بولوُب ائلغايانگ – گينگ هوولوُدا
جيگينگ ائزئنگا دوًشوًبدير توُتا بيله ناق
يوًره گيم، جيگينگ بولوُب قووالايار حئيالئمدا ائزئنگدان
سنينگ گوًلكوًلرينگ تولقوُني يلديرگوًن يالي،
واخ! من بير چئنا بِريم سيز حئيال بيلن
بير بي بار آغاجئنگ شاخاسي نئنگ اوًستوًنده
اِركين دوُيغوُلارئمي – گؤكجه كبدرلري –
اوُچوُرئب اوتئردئم گؤم- گؤگ آسمانا
بيردن توُپان غوپدي حئيالئمئنگ ساچ لارئني چاشئرئب،
...