بوُ غوشغوُلارکیتابی؛حورمات لی
عالئم یازئجی،اوُسساد«گنبددردی اعظمی راد-ا
هم-ده عزیز دوستوُم «یحیی یاری-ا هؤدوًرله یأرین.
«اِركين غوشغي»
اِركين، غوشغوُلارئم
دمير توًرمه دن ،
چوًنكي من اولاري ،
آسمانا يازيآن .
توًملـوًكده
گيجأنينگ ، تآرئني سئپآب
بنديوانچئنگ اوُقآ گيدِن ماخالي
اِرتيره ائنانئب
دانگدانا يازيآن.
گوًلوًنگ هوواسئنا سايراب
يآزي كوًيسأب
دميمه اِره ديب بوُزلاري
آياز چوًيرأنه يازيآن.
دييمأنگ غئردا گزيأنگ
غوم دان بي حابار ،
گيجأنينگ غارا چادئرئندا
من ،
آي دان شؤله دوًشِرچه
گؤزه نِك گؤزله يأن.
هينگ لِنيأن مئدام
غوشغوُلارئم ني،
من هانجارئمي بيليمه بآغلآب
غئر آتئم بيلِن دوًز سؤكوًب
دِنگيز آشيآن ،
اِركين ، غوشغوُلارئم
بويوُن بوُرمادان ،
اِركين غوشغوُلارئم
گؤرگي گؤرمه دِن،
چوًنكي مِن اولاري
ايليمه يازيآن .
« آسمآن»
كؤلگأنگ بيلِن يآشايآرئن
غآناتئم غئرئلسا- دا
آسمآن !
گيدِنگوق بِينيمدِن.
گيجأ غآلما ؛
یوًرِک اوًچین
هاوا بوُ يالنگئز یوًرِک اوًچین ؛
اؤلمِك دِن آيري اوُغوُرا
اوُغروُقماق باشاردمايآر
يآرئنگ يآنئندا دوُيوُلسام-دا، -اؤزگه لر اوًچین _
ديوار،
دؤرد يآنا سِر اِدسِم
غوُرشآب دوُر
بير نِپِس دِم آلمآغا هووا يوق !.
اؤزوًمي بير غئلچا اركين دوُياموق
سطيرلريمي ساناماغا
سانگا ساري يوللاماغا .
دوُرنالار،دؤوري دوُيوُب
دولانماقدان دأنن اِكن لر
من هايسي غوُشا کؤنگوًل بره يين .
پنجره ياپئق دوُر
غاباق لارئم غابارئب دئر
كؤلگأنگ بيلن ياشايارئن
غاناتئم غئرئلسا –دا
آسمان !
گيدِنگوق بِينيمدن .
اؤنوًب اؤسدوًم،
_ سؤيگي غاندئن اِزيب ايچديم –
دوُيغوُلارئم بيلن
گؤرسِم باغش اِده رين
بوُ تني –جاني
_ غوشغوُلارئم بيلن –
سانگا،دييب.
يؤنه نأدجِك!
اينگ گؤزِل سؤزلري غايغي لي ساز بيلن سامئرداب
چكديم –چئدادئم ،
گؤزلريم،
کؤنگلوًمينگ غامئندان
ياب ياساب
اؤتوًردی مزيل لريني .
...كؤلگأنگ بيلن ياشايارئن
غاناتئم غئرئلسا –دا
آسمان !
گيدِنگوق بِينيمدن...
« هاو ياتان لار»
ايل لر ،آسمان لارا قانوُن دوًزسه
بيز اِشِك مينيأس.
عاصئرئنگ آلتئن كؤچه لريندن
يؤرأنگ ديييلسه ،
بيز؛
توزانلاب ياتان يودا لاردا گزيأس ،
اوُغوُر ييتيريب .
بيز دينگه دوًیش گؤريأس
بير اينگكيس غارا توروُنگ غوُرشاغئندا .
ائشئق ياقايجاغام يوق
بولسا- دا مِگِر
گوًنأ چوًپره گينده چولاشاندئر اؤيديأس ،
- نآدآن لئقدان .
هآو ! ياتان لار ، اويانئنگ
بيزي گوًمرالئغا اوًنده يأن لر ،
اِل لرينه بآغداق ساليآرلار
آيدئنگ لئقدان
ايچِن لرينگ .
«بيريگمِك»
غآباق لارئنگي قاق
ديده لِرينگي تأزه له
-اوُزاقدا بير غوُش
يانگ سالئب دوُر
بوُ گوًموًرتیک دوُرموُشا –
حأضير ،
بوُ سونگا چاتماز كؤچأنينگ
سونگوُنا اويلان
آسمانئنگ يئلدئزلارئني سآنامادان ،
بير آز سالئم دئن .
- بيري اينگ تأزه سؤزي
غوُلاق لارئما ياغئب دوُر
بيري اينگ تأزه سآزي چالئب دوُر-
سن اِل لِرينگي بِر اِليمه
سانگا مأتأج مِن
ايكيميز اِديل بوُلوُد بيله يِل يآلي !
غآباق لارئنگي قاق
ديده لرينگي تأزه له
اينه بأرده تِبسيرأن دوداق لارا
دامماغئمئز گِره ك
من بوُ حاراسآدئنگ یوًکوًني
گِرشيمده ساقلادئم اِنچه مِزيل
گِل ياراما مِلهِم چآي .
- اوُزاقدا بير غوُش
يانگ سالئب دوُر
بوُ گوًموًرتیک دوُرموُشا،
بيري اينگ تأزه سؤزي
غوُلاق لارئما ياغئب دوُر
بيري اينگ تأزه سآزي
چالئب دوُر –
حأضير،
بوُ سونگا چاتماز كؤچأنينگ
سونگوُنا اويلان
آسمآنئنگ يئلدئزلارئني سآنامادان بير آز سالئم دئن،
گوًنِش غارا دآغئنگ آنگئرسئندا
بيزه غاراشيآر.
«زِيتون آغاجي»
زِيتوُن آغاجي نئنگ ياپراغي يآلي
سِن گوًلوًب دوُردئنگ
بير گينگ سِييلگأهده.
من، أديم لريمي
دابارالي آلئب باريآردئم اؤنگه
شووخوُن لي سالئم لار
سالآما گِليبدي غآشئما
چوًنکی؛
سِن بِزأبدينگ گؤزلِريمني
زِيتوُن آغاجي نئنگ ياپراغي يآلي
_ سِن گوًلوًب دوُردئنگ_
من موُندا ،
اينه موًنگ يئل لاردان سونگام
كيمسه لرينگ آنگ لارئندا غاتلانئب ياتان
هؤوِس لردن دويغوُن .
منينگ گؤزلريمني سن بِزأب دوُرسئنگ
زِيتوُن آغاجي نئنگ ياپراغي يآلي... !.
«اوتئرئن گؤزوًمي سئقئب...»
گؤزوًمي سئقئب اوتئرئن
بوًرگوًدلرينگ باشدان گِچِن
يازغئدلارئني اوقآب،
دوُردي موُرتي تانآب
روُخوُني يِدي يولا ذِهينيمده دولآب
اوتئرئن گؤزوًمي سئقئب.
جِيخوُن بيلِن باخري هازار آراسئندا ،
كؤشِك لريم ، گوًلوًب ياينار،دييِن اوُمئد
گؤروًنگ له، نه نِنگ نآلآج !
اينگ سونگي ،
جوًنِيد هآنئنگ گؤزلِرينده غاپئلئب دئر
آرمآن !
روُخوُما بِييك هآنئنگ وِصييِتيني غآلآب ،
اوتئرئن گؤزوًمي سئقئب
بوًرگوًدلرينگ باشدان گِچِن
يازغئدلارئني اوقآب .
گوًن اورتا –آلپ اوًرز – دآغ لاري نئنگ ،
اِته گينده
نوُرانالئغئنگ ياقئم لي ائسسي سئندا
بأگول لري داراب ، تيمآرلآب بيلمه ديك
سِردار أننه گِلدأ آيات اوقآب
اوتئرئن گؤزوًمی سئقئب ...
بوُ گوًن ،
اؤسِن عاصئرئنگ قئرق ييگيت لري
گؤك تانگرآ سئغئنئب
اوي آتئني اِيِرلأب
ايل – گوًن دييأرلر
غولدآقي غالام لارئني تاراشلآب ؛
پيكيرلريني بير سوُپرادا تاييآر اِديب
اوتئرلار تيجِنيب...
آغلاما شآخئر ،گِلجِگه غارا
اوُمئد توُد يآلي بِركه سين بِينينگده،
گؤز يِتيمده غارا بِريأر غاراشيآن زادئنگ
آغلاما شآخئر، غالامئنگي بِرك توُت ،
دايان ،
ياش لارئنگ سوًپوًر ....
«...گؤزوًم چاتدي»
جآدي- جِممِل مِنينگ كأريم دير اؤيدمه
مِنينگ دؤوري دوُرلآب بيلمه جِگيمه
گؤزوًم چاتدي
توپراقدان اؤتوًب يِرينگ دامارئنا چِن لي
ائررئخ !
گِرشيندِن غوُم سوووُريآرلار
آدام لارئنگ آرزي لي گوًن لريني اوغوُرلآن لار.
«... گِلِر»
غارانگقي گيجأني بؤوسوًب
دِمير آتئنگ اوُيانئندان توُتوُب ،
آسمآني بِزأب
دِمير دوني بيلِن گؤر اوغلي گِلِر .
دِمير یوًرِک لِر ، اِرأب،
آلقئش آيدار دوًنیأ ،
بير بيلبيل بولوُب .
هِزيل ليگي ، نوش اِديب–بير چشمه سوُو يالي-
آخمئرلي ياشايئشئنگ
سونگوُنا تاياق آتئب
تاپلانار آدام .
ياقئم سئز سس لره ائلغآن روُخ لارئمئز
تيرسِگه دايانئب گِنگيرگأر
دمير دوني بيلن گؤر اوغلي گلر.
مِرخوُم شاخئر« نازمحمّد» اوًچین:
«سِن گيدِن سونگ آسمآن مئدآم آغلايآر / دوغان- غارداش غامدا باغرئن داغلايآر
سِن بيلِن گِچيرِن گوًن لرين يآدلآپ / دوستلانگ آخمير بيلِن دِسسآن باغلايآر»
پِلِك كِج ليگين اِديب
غام باداسئني سوُندي
توُپراق لاري اِز ديدأم
باغرئنگ كبابا دؤندي.
توًملوًکده دوُران کؤنگلوًم
غام باداسئن نوش اِيله
بوُ گوًن بير داغ يئقئلدي
ديده لرنگي ياش اِيله.
سؤز مِيدانئنگ گلشيگي
ناز موُخاممِد گيددي ديي
دارئغانگدا گؤون آچان
غوُجوُر –هيممِت گيددي ديي.
روُباغي لار کوًیسه يأر
يازئلماغي اِليندن
هاني نيرأ بوُقوُلدي
اوُچوُب دئر-لا گوًلوًندن .
اؤچوًرمه جِك سئنا كؤپ
موًدیمي ليك يادئني
عؤمري غئسغا بولدي واخ! ،
ايل اوُنوُدماز آدئني.
گول عؤمروًني يويدوُمي ؟
ايل دردينه كؤيدوًمي؟
آرزي لي آق گوًن لري
گؤرمسه –ده سؤيدوًمي ؟.
مردي گؤزلأب گِزِردي
سؤيگي ائزلاب يازاردي
هر بير آيتجاق سؤزوًني
يؤره گيندن سئزاردي.
گل ايندي گؤر مِردي گؤر
آماناتئن بردي گؤر
آغلاماسام نيلأيين
عئشق كِروِني دوُردي گؤر.
سونگقي دِمده سؤزلِشمأن
غانات بكلأب اوُچدي اول
نأمأني قئن گؤردي كأ؟
بيزدن آرا –ن آچدي اول.
مئلغاب آدئنگ توُتاردي
غوُلاغئمدا يانگي بار
جايي اوُچماخ دا بولسوُن
قابوُل اِيله بيري بار!.
«ائنسان»
اوُرشوُنگ يالاووُندا تآسآب
آتاسي نئنگ ساياسئندا ياينامادئق لار
نچوًین ايندي ،
يازئنگ يرينه ،
غوُراق لئغا يولوُقدئريارلار،
بأگوًل لري!.
«سؤيگي»
گؤرمأن توغاب اِدسه ايل لر اوُزاقدان
من غوُچسام ديييأرين سن گوًل بدني ،
سن سيز مانگا دوًنیأ يامان دوُزاقدان
دأليره ديب یؤرسوًنگ بيليأرمينگ مني.
اِركيم ني آلئب سئنگ اؤزگأ کوًی اِدمن
گيجه لر گؤز يوُموُب ائراخات ياتمان
قووسانگام غاپئنگدا غوُلوُنگ من گيدمِن
بيلسنگ باقچا –باغ دئر بيلبيل مِسگِني .
دوًنیأنينگ تاغتي ني تأجي ني گؤرمن
سندن آيري هارمان چأجيني گؤرمن
سؤيگي بارقا پايخاس گوًیجوًني گؤرمن
دوُيارمئنگ سن عئشغئنگ جامئن ايچه ني .
غول لارئم سانگا گوًل بوغماسا اؤلِم
سنينگ يادئنگ غوشغا سئغماسا اؤلِم
گؤزلرينگ هانجاري دِگمسه اؤلِم
گؤروًب مي دينگ من دِي جاندان گِچِني .
بوُ قالبئم سنگ جايئنگ اؤزگه لردن بوش
جوشسانگ من بيلن جوش ،من بيلن اويناش
جِنانئم بور جانئم سن بيلن سِرهوش
داغي جان گِرِكمز گؤرمِسِم سني .
«ياشاسئن لار»(اوسسادلار:بايرام قيليچ فرزام،تقي پورمند، قربان صحت بدخشان،آنادردي عنصري،محمدقجقي،احمدگرگانی وه...اوچين)
صَحرام دا دِرِك لنگ ، شوًکوًر ساني بار
كؤپ گؤرمه سين تانگرئم دانگئم ساز بردي
غوُوانئب اِليمه آلدئم غالامئم ،
تاريپ اِدسم ديييب اِنچمه مِردي .
سؤزي شاخئرانا شيرين لابئزلي
دوُيغي نئنگ اوجاغي پايخاسئنگ كأني
شوُم ائقبال ايليمه آبانا بيلمز
چوًن جوماردلار ياغتئلاب دوُر آسماني.
ائنسانيِته اوُيان پريشته سئپات
مَهير یوًرِگینده ، نوُرانا يوًزي
صَحرانگ سادالئغنئنگ،صَحرانگ گينگ ليگي نينگ
گؤيأكي دييِرسينگ مئثالي اؤزي .
ديده لري اوُممان، دوستلوُق مؤوج اوُريار
اِل لري غالام لي ، هانجار يرينه
سؤزلري اِرِديأر،داغ لارئنگ داشئن
بوُيروُق اِديأر ،كج پلگينگ پرينه .
بوُشلوُق بريب ،گيدن –بير دوًنیأ دانگي
يئلدئزلارا آرقا بوليار آسمان چا
اويانارلار !آذانئنگي يانگلاد دييب
شاخئرلارا غولتغوُبِريأر درمان چا.
دوغام بوُدوُر، ياشاسئن لار ، ايل اوًچین
سايا بولوُب،چشمه بولوُب،چوغ بولوُب
كؤپي گؤرِن ساچ آغاردان ، آغالار
ياشاسئن لار ،مئدام واغتي چاغ بولوُب.
«آرمان !»
گؤزلرينگ گپله دي ايلكي تانشامدا ،
ساداجا مئلغاب
ساچ لارئنگ اوًم اِددي ،اوتئردئنگ داراب
ائسي دارتدي دوُردي
بوينوُما نوغتاسئن اوراب .
يؤنه آرمان
آرا آچئق بولسوُن دييب ،
پِلِك پاتا برمه دي
غولتوُغوُنگدا بير گيجه دوًينأب
غاشئنگدا دئزا چؤكمأگه .
آرمان –آرمان ،
گيجأ-گوًنديزه
غاراشئب اول آيا –گوًنه،
آلقئمئنگ – آلتئن تنينگه
گوًلگوًن آلما – اِنارلارا...
اي يار!
يوًره گيم يارا.
«...آيدئم»
تآرئپئن سؤيله سِم سونگوُنا يِتمِن
موًنگ دوًرلي باقئش لي نأزلي غاراغئز
گؤزِل لر ايچينده سايلانئب دوُريآ
سونا-غازيؤريش لي پوزلي غاراغئز
عاشئق هؤوِس اِيلأب اوُغروُندا يؤرِر
سوًلموًرأب سراِدسه غاناتئن گِرِر
چيش ده كباب اونوُنگ تاغامئن برر
عئشق اودي قالبئندا كؤزلي غاراغئز
بويداش لارني گوًرروًنگ بيلن گوًلدوًرر
جاق جاق لاب روُخوُنگي گؤگه غالدئرار،
توماشاسي كؤپ دوًر اؤزوًن آلدئرار
ياقئم لي بال كيبي سؤزلي غاراغئز .
غارانگقي گيجأنينگ ياري ساچ لاري
گوًنديزينگ اؤيلأني دوًردن ديش لري
يادئنگا دوًشوًريأ ياز آغاج لاري
بزه نيب گِيينشي اوُزلي غاراغئز .
باغئشلاب شول يارا عئمارات –كؤشگي
آسمانا غالئقسا کؤنگلوًمينگ عئشغي
آرزوُووُم غاشئندا اوقاسام غوشغي
دوًنیأمي شاد اِدر سازلي غاراغئز .
ساري غئزي تارئپ اِدديم باياقدا
آق –غاراسي اوُزدئر،غالماز آياقدا
غوشغي يازسانگ يارار هممه سي حاقدا
غايتا بوليان اِكن دوُزلي غاراغئز.
«...غازال»
آينادئب مني دأليره دن سن
گوًنديزيمه چوغ ،گيجامينگ آيي
اؤروًب سينگ ساچئنگ هر بير دئنئنا
گردن لرينگ منگ عؤمروًمينگ پايي.
من بير غئزئل گوًل تيز اگر سولسام
واغتئندان اوزال يولوُقسام گوًيزه
بلكي غورار –لا جادي لي گؤزلنگ
دينگه سن اوًچین چؤكِرين دئزا .
بوُلوُدلار غئسئب غوُرشاسا گؤگوًم
گوًنِشيم ديييب چاغئريان سني
بير دوًنیأ باغئت باقئش لارئنگدا
پأكيزه گؤزلنگ گوًل اِديأر مني .
گؤزلنگ اوًم اِديأر هرشام –وُ-سَحِر
تشنه دوداقلام غانيار لبينگدن
ائسئنگدان آليار گوًل لر عاطرئني
باقچا باغئنگدا باغبان اولوُب مِن.
سؤيگي کؤنگوًلده ،اوُمئد غوناغئم
اِنچه بِسلأنيم شوُ گوًنوًم دوُرسوُن
تانگرا يالباريان تاناپئم دارتئب
يار ووُصالئنگي اوُزاقدان برسين!.
«غئسغاجالار» :
(1)
بولما ظالئم ،بولما ظوُلما باش اِگن ،
بولما اِجيز ،بولما اجيزه دِگن ،
گؤزلرينگدن سؤيگي يئغسئن هِر گؤرِن ،
آدام بولوُب آدام بيلن ،بول دوغان.
(2)
دونيأ سن بي دِرِك !
گؤگِردي گوًل ،
گوًنِشه آلقئش آيدمآن .
دوًنیأ سن بي دِرِك !
گوًنش،
سولدوُردي گوًل لري
واخ اِدمأن...
(3)
گيجه لريمينگ آيي سن يار
بوُ غارئبئنگ پايي سن يار
سن دن اؤزگأ بيل باغلامان
تأك يوًرگمينگ تايي سن يار .
(4)
سؤيگيم ايكي دوًنیأ موًدیمي ليك دير
يارئم، بيلگين سن سيز قارارئم يتمز،
موًنگ بيلبيل اگر باغئمدا سايراسا
وِپالي گؤزلرينگ ده يين مست اتمز .
(5)
گوًنش بولوُب چويان،ايليني، مِرد دير
شِيله مِرد غانئم اؤنگوًنده پِلِرد دير ،
هآر بولمالي يرده غئزئل گوًل بولما
سادالئق كأماخال جانئنگا درد دير .
(6)
بو دوًنیأده اوًچ زاد منينگ آرزوُووُم :
ساغلئق برسين ، بگ ليك برسين هم آبراي
او دوًنیأمه ايمان ديلأب ياشايان
بيتيرسِم دييب ائنسان بورجوُم جاي ما جاي .
(7)
سن گؤزلري گؤريأنگ من گؤزده حئيال
سن ياز ،گوًلي گؤريأنگ من يارا مئثال
سن نأمه گؤرسِنگ گؤر جاخاندا اِمما
ايلي كِتِن سآيئب اؤيدمه اؤزوًنگي شآل!.
«اوُسساد شاخئر ستار سوقی »نگ قئرق یئل ادبی دؤره دی جی لیگینه باغئشلانان تویا:
ماخمال یالی آی لی گیجأنگ،
بارماق لارئنا آلتئن یوًزوًک داقان شاخئر.
اجیرچِکِن، هالی دوقان گؤزل لره
مَهیر بیلن باقان شاخئر.
غولوُن چِرمأب، غالام آلئب ،
توًملوًگینگ غورقوُنج آنگ لارنئنگ ،
ایشِن لرین سؤکِن شاخئر،
ظالئم لارئنگ ایچین باغرئن ،
یاقان شاخئر،
... سِن !.
ناما دوًزوًب، نأمه دییسین شأگیرد بوُگوًن،
اوُسسادئنا ،
بیر باخار گوًل دییسه دوُیار سؤزلرینی اِنچه بیلبیل
باغتی غارا نأگوًن گؤرِن بوُ توُرکمنینگ آلنئندا،
یاغتی سالان گوًنِش دییسه،
شایآد بولمازمی یئلدئزلار؟!.
أگیردلرینگ بیری سن سینگ
تشنه لره چشمه بولوُب آقان شاخئر.
غام لی بولا بیلمز نامام – واخ غام سئزام!-
چوًنکی سینگِن اِکن نالانگ
غوشغوُلارئنگ اؤزه نینه ،
موُنی بیلر سؤزلرینگ نی ایچگین-ایچگین اوقان
شاخئر ...
ساغ بول-ساغ بول یاشا اوُزاق !
بوُ توًملوًکده یاغشی لئغئنگ
چئراسئنی یاقان شاخئر!.
«دوستلوُق»
غوُربآن دِی،نووروُز،يانواری تويلایاس
ايل لرينگ بايرامام بيزلره بايرام
دوستلوُق دووام بولسون يِرينگ يوًزوًنده
آدامئنگ اِليندِن اؤلمه سين آدام .
آصلآ كيچِلمه سين كيشي،كيشي دِن
بير اِنه دِن دوغان، غارداشچا بولسوُن
آدام حايوان دألدير دآلاشار يآلي
آدام مئنگ ؟ بيرِوه دوًشوًنشجِك بولغوُن .
دوغانا – غارداشا باخا كِسمه گين ،
دوستوُني هآر اِدِن، اؤكوًنِر اِرتير
غادئر بيليب يآشآ بيلسِنگ شول غووي
شوندا مئرادئنگا آيلانار تاقدئر [= تقدیر].
اؤزوًنگكي–ده آدام ، كِسه كي-ِم آدام
غوُرساق لاردا كوًرسوًلده يأن یوًرِک دير
سؤيوًب ياشا، آدام لارا سؤيگي اِچيل
ياقئن دييمه ، يآدام دييمه ، بآري بير .
شآخئر ياتما دوستلوُق حاقدا آيدئم ياز
هر سؤزوًنگده ياغشي لئغي اوًنده گين
آدام لاردان طبيغاتئنگ شووخوُني
پِرواز اوُرسوُن ، گؤگه غالسئن گوًن مه گوًن .
يآزدا دوًنیأ ياقئم لي هِنگ يانگلادار
يآزا طاراپ بآد آلدئرغئن أديم لِنگ
سؤيوًب يآشا، سؤيوًب يآشا ، يِنه سؤي
غوي آيدئلسئن دوستلوُق حاقدا آيدئم لار .
«ماغتئم غوُلا»
عئشغئنگ بآغئنا سِر اِدديم
مِنگلي سؤيِن گؤزلرينگدِن
آسمآني بآدآما غوشدوُم
تأثيرله نيب سؤزلرينگدِن .
گؤزلِرينگدِن مونجوُق لاري
گؤزِل لِره آتدئرئبدئنگ
دوداق لارئنگ بال لارئندان
گؤرِج لره داددئرئبدئنگ .
سن گِلِن سونگ ياز بولوُبدي
گؤنِشدن پاي آلان يالي
يوغسام مِيميرأب ياتئردئم
هاسسادئم دؤوچالان يالي.
پايخاسئنگدان ديل لِنديردينگ
ديلسيز-آغئزسئز بيماري
دميگيبديك عيسا بولدوُنگ
ايلينگه بريب تيماري.
داغا منگزه يأر مازارئنگ
آرقام منينگ بييك كيتاب
غوشغوُلارنگي غالانيأرئن
غالام اوًزأرليگيم حاساب .
بارماقلارئم يازغئجئمدا
بوُگؤزلريم سني سِرمأب
توًملوًک سني غآبآ بيلمز
اوُغروُنگدا من،غولوُم چِرمأب .
آسماني بآدآما غوشدوُم
تأثيرلِنيب سؤزلرينگدن
عئشغئنگ بآغئنا سراِدديم
منگلي سؤيِن گؤزلرينگدن .
«گلجك لره آرزوُو»
ياغمئر بولوُب غام لار ياغاركؤيوًمه
باغلي-بندي شيرلرگلر اويوُما
غولوُمداگوًيج غآلمامئشآ ياران لار
چيلله دارتئب پيكام غوُرام يايئما .
گوًلر يوًزلي زيباملك يارهاني ؟
نايزالي-غالقان لي هوواندار هاني؟
عاشئق لارا يارغووشوُران دآر هاني؟
دوداق لارئم تبسيرأب دوُر دايئمآ.
دميردون لي گؤراوغلوُلار اؤتِن مي؟
شير-غوُروُدلار توًن ده راخات ياتان مي؟
نيجِمه پايخاس گأميسي باتان مي؟
يا عارسئزلئق دوًشدوًميكأ پايئما؟.
يازلار گليأر ،گچيأر اوندا گوًلـوًم يوق
هوش واغت اولان ساز صؤحبت لي سالئم يوق
شادلئغئم يوق هم ائرآخات اؤلـوًم يوق
غوشوُلمئش آوي لار گوًن- وُ- آيئما.
دؤووًر منينگ توًرمأم ميشين هامانا
ياغشي لئغي گؤرمأن ميشيم هامانا
مندن سونگ بير اؤوروًلسه ميش زامانا
گله جِك لر دؤوران سوًرسوًن جايئما! .
«يِر تيتيرأنده»
توًنِك لر ائراندي توًنوًنگ يارئندا
موًجوًليگين دوُيدي آدامئنگ اوغلي
سوًنگنگي سارسدي بأبه نه گي آيئلئب
يانگجا- دا منليك لي سايرابدي چوغ لي.
غاچئب آتدي يئغئنچاغني تاشلادي
غوُتارئب بيلسِم دييب غارا جانئني
جاندان عِزيز جِنان لاري نيره ده ؟!
بيرسِللِم اوُنوُددي هان – ي- مانئني .
غالا غوپغوُن پيتيكلأن سونگ آنگئني؛
اِجيزليگينه دوُرا بيلمأن يئلغئردي !
هامراق لئق گؤزوًنده تِگِله نيب دوُر
دوُيان زآدي گيدِن اوًمموًلمِز سئردي .
اوُلغام-اوُلغام آسمآن لارا اوي لانئب
اؤزوًن تانآن يالي بولدي بير مِزيل ،
چوقوُندي بير بِييك غوُدرات بآر ديييب !
کؤنگوًل ، آنگ بيريگيب اِديأردي هِزيل! .
«دؤووًر»
اِي !
توًركمِن لِرينگ پِده غوُلوُسي
هاچان سِني گوًنِش مايرار ؟
گؤزلِمه گوًموًرتیک گؤروًنيأر ! .
يآزئنگ يايبانگ يالقئمئن
بوُ داغلانان غارا مانگلاي
آلقئملآرمي ؟!
گؤزلِمه...
گوًموًرتیک ،
گؤروًنيأر !
بِلكي شِيله بورلا هِرنه .
يوًرِگيم دارتئب دوُر
سِن ماخلوُق !
هآلئس لئق غوواغنا اوُچوُرادسانگ- دا
مِن ؛
گينگ يايلئمئنگ آخمئرئندا
هوواني دِميمه ياقاسئم گِليأر
آيدئنگ لئق يالنگئز ، ياقئم لي غوناق
يوًره گيمده كؤك اوُريآر ،
بيل حؤكمان بير گوًن گونِش بولوُب دؤرأر .
- حاق ،
چومماق غارا دآغئنگ
بؤوروًندِن دوغار - .
«حئيآل»
بيلبيلينگ سِسيني آرقآ آلئب گِلِن يآز
آغاج لاردا گوًللأبدي
مِن ساقالئمي سئردئم پِنجِره دِن
مايسالارا سِر اِديب .
عايآلئم غوُشلوُق چآيا سوُپرا يازدي
بير چأينِك اوُمئد بيلن.
ـ تِلِويزيون ،
آدام اوغلوُنئنگ واغشي لئغئني يايياردي ـ
واخ نأدجك !
غوُرساغئمدا بيردؤووًم یوًرِک
اِليمده بير كأسه غايغي
اؤنگوًمده بير سوُپرا گؤز يآش
... مِنينگ آتئم حئيآلا موًنوًبدي ! .
«باقئشئنگ»
كيرپيگينگ اودلي چؤپ ،گؤزلرينگ اود
کؤنگلوًمي غوُرشآبدئر سؤيگي آدلي بير زاد
يالئن لي گؤزلرينگ مِنينگ گِرِگيم
اوُغروُنگدا دألي یوًرِگیم .
واخ !
دوُيان سئنگ بِلكي
جآدي لادي مِني ، باقئشئنگ !
اوينادئب غآش ، يانغئن لي غاباق قاقئشئنگ!
يالقئمئنگ ،
آلقئمئنگ ،
دؤشوًنگه توُمار داقئشئنگ .
گِنگ دأل اِي پِري زآد
مِنينگ سِني گؤرِمده
اِرأب آقئشئم ! .
«آغلآنگ»« مِرحوم لار : اِترِك طيار ، مأمي هلاكو وه دكتر عظيم گل اوًچين »
غئلئج بيلِن حاق آلمالي زامآن
آغلابدي بِييك پئراغئم
چوودوُر هآن اوًچین .
اونگمادي ائقبآل ،
آسمآن آغلآب بوُلوُد بؤكه له دي
يِنه غايتادان
آرمآن! ،
توًرکمن ايلي مئدام
سِردارلارنئنگ مآتامئندا گِزمه لي ميكأن؟
سآيا سالان بآغئمئزئنگ كؤكي غئرئلدي
ميوه بِرمأن
دوًين ،
واخ آرمآن
اوًچ داياغئنگ ، شوُنگقار غوُشوُنگ
غآناتي غئرئلدي بوُ گوًن
اِي ايليم آغلآنگ ،
بوغازلاردا دونگوُب غآلان
اؤنگكي سونگقي دئمئب غآلان
آغي لاري
آغلآنگ .
مِگِرِم يازغئد شِيله دير
مِگِرِم گؤريب لِرينگ گؤرمأگه
گؤزي بولان دألدير.
چوودوُر هآن !
غئلئج بيلن حاق آلمالي زامآن
كِسيليبدي عؤموًر يوًپوًنگ
ماقصادا يِتمأن ،
ايل لريميز آغلآبدي غآن .
ايندي ديله دايانمالي هِنگنگآم
عاقئل گأميسيني غوما آغداردمآن .
بيليأس موُني
ايل بولوُب بيليأس .
يؤنه يِنه-ِ م
اِي بِييك آللآم !
نأمه اوًچین
توًرکمنينگ تؤره – بِگ لري ؛
بِيله اورتا يولدا گيديألر نأكآم
آغلآنگ بوُ گوًن ، اِي بِييك ايليم،آغلآنگ
غآن آغلآنگ- آغلآنگ- غآن آغلآنگ .
«مِنينگ سؤيگوًلي يآرئم…»
غوشغوُلارئما غآنات بِكلأب
آيدئم لاردا اوُچوُراسئم گِلسه- ده
- يآش لارئم مؤنگنگوًريب، هِر زامآن-
پِنجِره ياپئق دييب،
دِمجيگيب ،