واطان
اِي واطان
اِي بييك واطان
گوًنمهگوًن بوي آل موُندانام بييكلن واطان
یوًرِگينده عیًشق بسلنن ایًنسان بيز
سن بيزه ماغشوُق، سن بيزه جِنان
سن بيزي دوغران، سن بيزي دونان
عیًشق-دا سانگا پيدا یوًرِکلر بيلن
بوُ دينگه دوُيغی دأل، اینامديًر ـ اینان.
سوًزوًپ دوُر
اوي توروُما دوًشدي باياق بوُ پيكير
ميللِتلر سانيًندان پيكير اوزوُپ دوُر
آغیًز آلاليًق گوًنمهگوًندن زيًيادا
آدام آداميًني دالاپ، سوًزوًپ دوُر.
گؤرِچ توًیس لي هِر كيمده بير باقیًش بار
غوييار هِر كيم بير توًیس ناغیًش ياديگأر
كيمسه يازيًنگ ياشيًليًندا يايناسا
كيمسه، گوًيزوًنگ گؤرمهگينده اينتيظار!.
ديداريًنگا زار بولسام-دا
ديداريًنگا زار بولسام-دا
گؤروًنمهدينگ
ديدهلريم ديگيرگنمأن
ایًزلاي ایًزلاي، ایًزيًنگدان
ایًشغالانگ سيًز توًم غارانگقي اؤيه دؤندي
سندن وِلین هارای يوق-لا مِن اوًچین
كؤيدوًرسنگ-ده، كؤر اِتسنگ-ده
یوًرِگيمده،
سنينگ اوًچین، بير اوُللاقان جاي بار
سن بير ظالیًم
(ظالیًم بولماق ماغشوُقلاريًنگ دأبي اِكن)
عیًشغا دوًشوًپ بيشهنيمي دوُيمادينگ
يا ـ دوُيسانگ-دا گيتسه گلمز يولا دوًشدوًنگ ـ
بيلمهديم،
كؤيدوًردينگ-له
كؤولنمهدينگ كؤيوًمه،
گؤزوًم سني گؤرمِسه-ده
ياد بولماديًنگ حيًياليًما- اويوُما.
باياق باغ ايچينده
باياق باغ ايچينده ايكيندي چاغی
شِمال بيتگيلرينگ سیًپاندا زوًلپوًن
ییًلغیًريپ شهي دییدی دپدرين غاراپ
سؤيگوًسين اوُرش آلان بير كؤيهن گلين:
اِي چانگ باسيًپ گيدن يادلاما دِپدِر
سِني تاشلانيًمدان ییًللار آشیًپ دیًر
غوراپسيًنگ ياريًمدان بير ياديگأري
هایسی سيًرداش غورار سن دهي شِيله سيًر.
ياديًمدا، سن دينگه شاياتديًنگ بيزه
بير گوًلي بريپدي شوندا مانگا يار
سانگا تابشيريپديًم ايًسغآپ شول گوًلي
من بوُ گوًن دپدريم سانگا ميننِتدار
چوًن بوُگوًن اوياتديًنگ منينگ كوًيوًمده
يار بيلن دوُشوُشيًپ گوًلوًشهنيمي
آرزوُودان بير بلنت كؤشگي دؤرهديپ
سيماپ صوُراتيًنا چولاشانيًمي.
بوُ توپراق
بوُ توپراق اؤنگكي توپراق دأل
بوُ آداملاردا بير دوُيغی
هؤوِس لنمك چاغبا ياغیًار
بوُ توپراق اؤنگكي توپراق دأل
بوُ توپراقدان یوًرِکلر غیًزغالانگ تاپيار
ياتانلار اوُقوُدان غاليار
ـ بير سالیًم آنگنگاليًپ حايران ـ
گؤيه غوپموُش آخیًر زامان
(ايل اوًچین دأل، سنينگ اوًچین
اِي غارانگقي غارا دؤوران).
چوًنکی ايندي
بوُ توپراق اؤنگكي توپراق دأل
بوُ آداملار-دا بير دوُيغی
هؤوِس لنمك چاغبا ياغیًار
ياز گليپدير غیًش غوُتاردي
يِر اوياندي،
أر اويانيار.
دينگه گؤزلري غالدي
بو گوًن گؤزلري غانلي
نامیًس آستیًندا دالانان بير زنان،
بير گوًن مانگلاييًندا، بير ظالیًم بوًرگوًت
چوقرادي،
پنجهسيني اوُردي اونوُنگ گؤوسوًنه
غانخور ديشلريني باسدي يانگاغنا
باغیًت غوُشي غان آغلادي يالباريًپ
غانلي پنجهلردن وِلین چیًقما قیًن
بدباغیًتليًق اوقاراسي
لممِرلهدي شول سالیًم
شِريم پردهسينه آباندي ظوُلوُم
اِجيزليك...
هووانداردان هارای بولمان
دِپرِنسه-ده شول سالیًم
دارليًق اِتدي گؤزلرينينگ هاناسي
دالاشدي
غیًغیًرسا-دا بوقوُرداقدان
سِس چیًقمادي شول سالیًم،
باغیًت غوُشي جان بِردي
بوًرگوًت ماسليًغیًني تاشلادي اوُچدي
دوُملي دوُش يانگسي لاپ گوًلمأگه دوُردي
یوًرِگي اؤلِنسونگ
عیًشق-دا غالمادي
اؤزوً-ده اؤزوًني ييگرِندي اون سونگ
ماسليًغیًندا ـ جانلي
دينگه،
گؤزلري غالدي
او-دا... غانلي...
بوُ گوًندن دين
حاطيرا، هوشلوُقدان اوًزوًلندن سونگ
ياشايار
يؤنه غارران يالي اوُنوُتماق بيلن.
دوُرسا دولانماقدان غاندلي كأسهلر
دولانيار
پِِلِگينگ، چارخي ، يؤنه قیًن
دوًنیأنينگ دوُرقوُنا اِتسم اِگِرسيًن:
غارراماق اؤزوًنه غاراشديًرمايار
ایًنسان لاردا ييتيأر سؤيگي هِم اوًلپِت
بؤوهتلر بركهيأر ایًنسانيًياتا
گوًنديز آغیًر گچيأر گيجهلر كوًلپِت،
یوًرِک مي، آسمان مي، بيلمن يا زِمين،
تبسيرأن تشنه دهي جانيًما دیييأر:
تيزيرأك تيجِن ـ
اؤل
بِيله گوًندن ديًن.
توًملوًگينگ تِرسينه شِمبولدوُم
يوُمروُقلاريًنگ يازي نه نِنگ اووادان
اوغشايار-لا قووچوُم قووچوُم چيگيلدِمينگ يازيًنا
حيًياليًمدا؛
بوُ دوُرغوُن سیًز دوُرالغادان چیًقماق مانگا نهننگ قیًن
باغیًت گؤزلهگينده آدامزاد اوًچین.
بارچالار گؤرهنده منينگ بوُ حاليًم
بولانديًر دیييألر ديوانا دألي.
گوًنش گِر ياغسا-دا یاقیًملي رنگكلر
دؤرهتسه-ده اِنچه زیبا تِمثالي
یوًزلريم،
یوًرِگمينگ گؤركزيأر غاسيًنلاريًني
گؤيأكي دييهرسينگ بير آينا يالي
بيلسنگ مني
غالانديًردي غامدان عیًشغیًنگ پورخاني
پريشته دهي پرلنیبان
اوُچاسيًم گليأر
آسمانا يول
آچاسيًم گليأر
دوًنیأ هؤوِسيندن
دووام غاچاسيًم گليأر
غاپاس ايچره
اِدينديم شيًغار:
باغی کوًیسأن بير بيلبينگ زاريني.
آينا بولدوُم
آییًلغانچلي ياشاييًشدا
بولان بوًتین آدامزاديًنگ اوغلوُنا هِم غیًزيًنا
توًملوُگينگ ترسينه شِم بولدوُم
بويدان باشيًم اؤز اودوُما نِم بولسا-دا
موًدیميليك يانيپ دوُراسيم گلدي
ييتنلره سالغی برهسيم گلدي
دوًیبوًندن ظوُلماتي اوراسيًم گلدي
آيديًنگليًغی اؤز آینامدا،
گؤرهسيم گلدي.
دؤووًر دوُرلانار مي؟!
گِرچِكلر نأمه اوًچین سولماغا ايًقجام؟!
غوُبار
هوولي آلاولاپدوُر!
دؤووًر دوُرلانار مي؟!
غیًش گلمزدن بوُروُن
گؤركي بار هِر پاسليًنگ اؤزوًنه گؤرأ
يازيًنگ ياشيًليًندا يایناماديًقلار
سر اِت
غیًمماتيًنا غیًش دوًشوًنيألر.
آصلا هِر پاسيًليًنگ اؤزوًنه گؤرأ
توًیسي بار
بيرينينگ یاقیًملي هوواسي بولسا
بيرينينگ یاقیًمسيًز ايًسي بار كأته،
يؤنه سن
ايسلهسنگده
ايسلهمسنگده
اولاريًنگ
آيلانيپ اؤوروًليپ دوُرجاقديًغیًنا
اینانشيًنگ يالي،
گؤرهجينگده،
دوُرموُش-دا عايني بير پاصلا منگزهسين
اونوُنگ دؤنجهگينه ایناملي بولغوُن
(بوُ
بير ییًليًنگ اون ییًليًنگ یوًزوًنگ ايشي دأل
موًنگلأپ- موًنگلأپ
زامان
دوًزگوًن قادالار
اويلار
يوللار يودالار
دوًنیأ تاريخينينگ دوُرقوُن بزهيأر)
دوُرموُش،
اِگر ياز دهي بولسا، هؤزيريني بيل
اونوُنگ دؤنجگينه ایناملي بولسانگ
ينه بير زات ذِهينينگدن گيتمهسين:
«غیًش گلمزدن بوُروُن
ييًغنالار اودوُن».
كأتهلر
كأتهلر
مؤنگنگوًرهسيم گليأر
اوًیشمهلنگ لرده
پآخیًرا!، اوًيدگأپدير
ديییلجگيني
بيليپ
ديًمياريًن
ياش لاريًن ساقیًنيار، بوُ گؤزلريم -ده.
ياغیًش حاقدا
دامجالارينگ هؤوِسينده ير ياتيًر
مايساجا اوتلاري يلپأن شِمالام
ينه شول مايساجا اوت لاريًنگ اؤزهم
دامجالارينگ ديداريًنا غاراشيار.
يؤنه میًدام
اوُزاغا چكمهيأر بِيله اينتيظار
چوًنکی اِنه مَهِرين چاغا کوًیسهيأر
چوًنکی عیًشغیًنگ، غالاندي سي يِرده بار.
بوسنيًیالي زِنانلارا
باياق غونام چي ليًق غولاينا بارسام:
بير زیبا گؤزل
ساچ لاريًن پريشان اِديپ
توًممكلأپ اوتوُران غابري غوُجاقلاپ
آلما يانگاقلاريًن يوُووُپديًر ياشي
غیًيانگ گؤزلريني غامدان دولدوُريپ
توًممهگينگ اوًستوًنده غويوُپديًر باشي
بير سِللِم من طاراپ بوينوُني بوُردي
حيًياليًمدا:
پيًيان عِِسگرلرينگ گوًلكي تولقوُني
گؤيه غوُلاغیًندا يانگلانيًپ دوُردي...
باخار
باقیًشيًنگ اؤورهديأر ديريليك سازيًن
باقیًشينگ غووزاديار غوُصصا لاييًني
جنگنگلينگ گؤكلوًگِم سِندن اِثِرلي
سنسينگ تيمار برهن آسمان آييًني.
سنينگ اوُزاقليًغیًنگ سنينگ گينگليگينگ
جوًنبوًش بريأ هِر زادا هِر ایًنسانا
سانگا ساتاشماغیًنگ دادلي لِذذِتين
دوُيان يِر اؤوروًليأ گوًل گوًلوًستانا.
عیًشغیًنگدا گوًلكوًلر لب لرده يانگلار
سنگ هؤوهسينگ بوُزدان بوُلاق ياسايار
شيرين شيرين ناغما ساچيًپ عیًشغیًنگدا
میًدام شاخیًر قالبیًم سني کوًیسهيأر
صاپالي داغ لاريًنگ یاشیًل يايلاسي
نأز بيلن غاش قاقيًپ گؤزلر اويناديار
نيرأ بارسانگ گوًل غوُنچالار ميلغآشیًپ
آغاچلاري ياز شِمالي آيناديار
نووروز گلدي قالبیًم چاليپ سازلاري
یاشیًل رنگكه گيرن دوًزه سيًن اِديأر
عیًشغا موًنوًپ ديليم سايرار سؤزلري
باخار هِر بير دونگان قالبي غايناديار.
كينهلرده غاینان كؤنه آغی لار
غیًشدا دونگوُپ غالدي سنگ پرياديًنگدان
اِي باخار هوش گلدينگ هوش گؤردوًك سني
دوًنیأده تاپيًلماز اِي سنگ آديًنگدان.
چِمِن غوُجاغیًندا دؤرأن دوُيغی
باخار سالاميًني،
كيم دير غويسوُن جوغاپسيًز
یاشیًل چمنلره گؤزوًنگ دوًشنده
بير هيل، غانماق چتين يالي گؤروًنيأر
چمن غوُجاغیًندا دِپأ ياسسانيپ
گؤز يِتيمينگ اوُزاقليًغنا سر اِتمك
دوًنیأنگ گينگليگينه ایًنام دؤرهتيأر
بير هیل هِزیلليگِم جانيًنگا اورناپ
يارادانا شوًكوًر یوًرِکدن جوشوُپ
دوداق ديًما بيلمأن اونگا سيًغیًنيار
ديلدن ثِنا سيًزيار يوُواشليق بيلن
یوًرِک يكهليكده جوشوُپ هينگلنيأر.
بيردن يادا دوًشيأر بير كؤپ ایًنسان لار
بوسنيدا، چچنده اول موُسوُلمانلار
ينه آچليق چكن غارا آداملار
ينه ظوُلموُنگ جبيريندن دادان لار
توًرمأ تاشلانان لار داردا غالان لار
يتميش ياشلي يالنگيًز ياشان گلينلر
آتا اورنوُندا يتيم غوران اِنهلر
يِنهلر، يِنه-ده يِنه يِنهلر.
گؤزوًنگ غوُبارلانيپ گيديأر شول مِزيل
ياد بوليار سن اوًچین شول هألكي هِزیل
بير دِم يادا دوًشيأر،
چأرهسيز ایًنسانينگ بير دييهن سؤزي:
«آجيسي بولماديًغیًنگ سوًيجوًسي بولماز»
واخ! او-دا سنگ دردينگي
كؤشهده بيلمز!.
ياز اِثِرني سالماني...
عیًشغا دوُشان ایًنساني غامدان غالانديًرديلار
غامدان دولان بوُ كؤنگلوًم بوزوُلارمي همیشه؟
سن سؤيسنگ دیيپ اؤزوًمي، شوندان غايري غايغی يوق
عیًشغیًنگ ايشِن تاناپي اوًزوًلرمي همیشه؟
عاشیًق دييهر ييًغلاييًپ داد ديييپ كيمه باراي
سونگا چاتماز توًنِكده سندن بولماسا هارای
بير گوًن اؤلوًم بير گوًن واي، دوًنیأ بير غاملي ساراي
بوُ پِلكنينگ گرديشي كِچ بولارمي همیشه؟!
كيملر يانيپ عیًشغیًنگدا، مِس، بير يرده دوُرماني
كؤپلر چِكيپ آرماني سندن جوغاپ گؤرمأني
آخميًر بيلن اؤلدوًلر سوًيجي دؤوران سوًرمأني
ديري غوووُشسام دييهن تيز اؤلرمي همیشه؟
گل گيجهلر گؤر مني غاشلاريًنگدا دوُراييًن
جيًداپ سنينگ جپانگا، دوستوُم، اودا اوُرايين
آغلاتما من اِجيزينگ، گؤركز یوًزوًنگ گؤرهيين
اِجيزي ييًغلادان لار كؤپ گوًلرمي همیشه؟!
غاینان عیًشغیًنگ اِثرنه كؤپ غوشغوُلار يازيًلسا
آيديًم آيديًپ اويناشیًپ آدام غامدان اوًزوًلسه
سؤيدوًگیمچه سن سؤيسنگ هوُمار گؤزلنگ سوًزوًلسه
ياز اِثِرني سالماني غیًش غالارمي همیشه؟
عیًشق مولكينينگ شاسي(موللا نپس اوًچین)
عیًشق موًلكوًنينگ شاسي سن
سؤيگي موُخاپبِِته
چاییًلان ـ غوشغوُلارينگ ني
هِر بير كللهسينده
ـ کوًی بولماديًق هِم
اِشيدنده ـ اوقاندا
شول كللهسي خا: کوًیلنیبريأر، بلكي غیًزماليراق گيدیبرمگي
پِرهآت كیبي، داغ لارا طاراپ، یوًزلنیبرمگي
يا-دا طآخیًر دهيين، باغلارا طاراپ،
بارماغی آخمال.
سنينگ، عیًشق باغیًندا
غوُنچالاريًنگ دوداغیًندان، سوُو ايچِن بيلبيلچه
سايران اووازيًنگي، اِشيدهن غوُلاق لارام،
هی بير، اؤزوًندن ايًراضي بولمازمي؟
غارا گؤزلري، غالام غاش لاري تاريپلاييًشينگ
يِل دِگنده تووسان ساچي، باخري هازار تولقوُنیًنا منگزهديشينگ
يا-دا اوني
تيللرين اوُزادان مارا چنهيشينگ،
نه عاجاییًپ.
سنينگ شيًغیًر دپدرينگ، بير، عیًشغا بسلهنن جاي
شول هألكي عیًشق باغیًندا،
سنينگ ساليًپ گيدن، سؤيگي تاميًنگ غولاييًندا
بير سللِم آياق چِكمك
بير مِزيل، بير ساغات، موًنگ ییًل اويلانماق،
نأهیل!، اووادانليقلاردان، گؤزوًنگ غاندارماق
باغیًت، اولي باغت.
ماغشوُغي سؤيشوًنگده چوًنگ ماغني ياتير
سن، يارينگ بير سللم باقيپ یوًزوًنه،
قالبيًنگدا یوًزلرچه موًنگلرچه دوُيغی،
غیًزيًلا غاپلارچا، سؤزلره دؤنوًپ
اونوُنگ حوُضوُريًنا اوقاپسيًنگ غوشغی.
بلكي شيله سؤزلر شاخیًر یوًرِکدن
جوش اوُرسا-دا، سايراسا-دا زیًبانيًنگ،
يؤنه غارشيًنگداخا اوتوُران گؤزل
پريلر هآنيديًر يا بلكي حوًیردير.
شونچا سطيرلرنگي اوقان آدام لار؛
سنينگ، توًیس ـ عاشیًقلارا
چيًن پير
بولانديغیًنگا
بويوُن بولوُپ
باش اِگِر، بولسالار گِرِك!.
آيلانيًپدوُر مِزيللر
گوًيز پاصلي اورتادان آغیًپدير بوُ گوًن
ايًنخا هازان يلي نأهیل مؤوچ اوُريار
غوُران ياپراقلاري اوًزوًپ اورنوُندان
چار يانا ألتيپ دوُر ذررهده ايرمأن
بوُ بير حيكمِت ميکأ، دوًيپسوًز اوُممان چا؟
يا طبیغاتدا بير موًدیمليك قادا؟
يل گؤتِریأر، پارچا زادي ياپراقچا
بوُ،
گوًيزوًنگ، اِثِريندن اوُلي نيًشانا.
يؤنه بوُ بير مِزيل، اوُزاغا گيتمأن
شول ياپراقلارام بير اوُزاغا گيتمأن،
سانگا اوًلنگي، ساپاق سر اِت اِي ایًنسان
يلدن، هازان- باتدان سونگقي مزيللر
بيل، حؤكمان گلر،
اؤنگ گؤروًپديك آخیًر يازيًنگ گؤگوًنِم
آريلاريًنگ ـ
غوُنچالاري اؤپوًشين
اؤوروًليپدي
اؤوروًليپ دوُر
اؤوروًلرهم همیشه
يازغیًت بولسا ينه بولار ينهلر
يازغیًت بولسا آيلانيپ دوُر سِنهلر
يازغیًت بولسا يازام گلر ينه-ده،
شوندا اونوُنگ غادیًریًن بیلیب یاشاغیًن
یوغسام ، هوًشگأر بولغوُن!
ينه، گوًيز گلر،
طبیغاتدا: آيلانيپ دوُر مزيللر.
چاغاليقدان بير حاطيرا
اِجمي سؤييأرين
سؤييأرين بتر-ده اِلليك اؤرِنده.
غیًشي-دا سؤييأرين،
سؤييأرين بتر-ده كوًموًش غاناتلار
پِلپِللأپ اوُچاندا دگره داشيًمدا.
شوندا:
آرزوُو آتيًنگ آق بوينوُندان غوُجاقلاپ
يؤرأپ بگنجيمدن كؤپ يره باريپ
آياق غاپ ايچينده آياجيًقلاريًم
اوًشهسه-ده، موًررلسه-ده غیًزاريًپ،
سؤييأرين غیًش پاسلينگ اِنچه باريًني
آيازيًني، ياغميًريًني، غاريًني
ايشيكدن، اؤيلرينگ بييك باميًندان
سَحِرلر ساللانان سيماپ بوُزوُني
ياداپ اؤيه گِلسم:
باشيمي سیًپالاپ شول غارري اِجم
بيلمن نأ کوًی بيلن مانگا سِر اِدیأر
یوًرِگيمده شوندا بير دوُيغی دؤرأپ
گؤرينيأ حيًيالدا:
باشيًمي سیًپالاپ دوُران بارماقلار
ايشيكدن اؤيلرينگ بِييك باميًندان
سَحِِرلر ساللانان بوُزلارا مِنگزأپ!.
ایًنسان
سر اِت اول اِنأني
نهننگ غورا بيلمأن اؤز بالاسيًني
غوُما سرپيليأر.
سنينگ شوندا:
غارا بوُلوُت لارا سر اِديأر گؤزوًنگ
داغ مي سن؟
داغ مي من؟
داغ مي بوُ ایًنسان.
اوًيتگهمك بوُيريار
اوًلكأم بزهنيپدير، بوُ گوًنلر
گوًن اورتا داغلار
غارلاريًن اِرهديپ یاشیًل اؤووًسيأر
منينگ ياش یوًرِگيم اوًيتگأپ جوش اوُريار
باپ باپدان غوُرشالان بوُ غارا يول-ام
غارا یوًرِک لره، اوًيتگهمك بوُيريار.
اِي آدام لار
اِي آدام لار ييتگين بولان آدام لار
عیًشق اودوُنيًنگ ايسسيسيًني دوُيوُپ من
بير ديدارينگ آخميًريًندا آخ چكيپ
زارين آغلاپ
يالنگيًزليًقدا كؤيوًپ من
آدام آدلي هي بير تاپيًلارميًقا؟
من يالي آوارا
بو غارا يرده
كيم دوُييار بوُ منينگ سِرگِشته حاليًم
كأ ییًلديًزلار بوليا منينگ سيًرداشيًم
چؤلدأكي چمنلر بيلن كأتهلر
اولارام درديمه چيًدانا بيلمأن
ییًلديًزلار یوًزلرني بوًرأپ آغلاسا
چمنلر ياشاريار
بو آغیًر درده.
يار غوُرساغیًمي گؤر اينه
دوًنیأده سنينگ دهي
بير زیبا گؤزهل
تاپيًلارميًقا؟
هِر هاچان كؤنگلوًمينگ توُتوُلان واغتي
سانگاسين اِتمأگه چاليًشيار یوًرِک
ساچلاريًنگ ايًسيًندن هووالانيًپ ـ
هِم،
غیًزغیًن يانگاقلاريًنگ کوًیده كؤزوًكيأر.
اِي منينگ بار زاتدان زيًيادا زاديًم
ایًنان، یوًرِک سني سؤييأندير دينگه
ایًنانماسانگ، يار غورساغمي گؤر اينه!.
موُخاپبِِت
شَهِِرده شاتليًغام اوُنوُدیًليًپ ديًر
قاصيًرلار ساليًنسا گوًن مه گوًن گؤزل
هِزیلليك كؤپهليپ گيدیبِرهناق
ايرنگكلر اؤووًشگوًن آتيپ ساري-آق
اوندا-دا حيًيال-دا بير زات يتهناق
اوتوُريًپ اويلانسانگ: «نأمه قا شو زات؟»
یوًرِک-ده، عاقیًل-دا، بير هیل هينگلنيأر:
موُخاپبِت، غیًت زاديًنگ اؤزي موُخاپبِِت
اوتوُريًش توُروُشیًنگ دوُزي موُخاپبِت
اوني، یوًرِک، باشغا كؤنگله غاتاناق
حاتدا، ساتاناغام!
بير هیل يول تاپيًپ!.
اِي گؤزِللر
اِي گؤزللر گؤرك غاپلانان گؤزللر
سيزينگ ساچلاريًنگيًزام اؤرأن اووادان
سيزينگ غاشلاريًنگيًزام اؤرأن اووادان
يؤنه بير زات سيزدن مانگا ياقمايار
او-دا: ايل ايچينده یِنگیلِس گِزشينگيز
بيلينگ آخیًر:
گؤزل گؤزللنر شرمي- حايادان
دوًنیأده هِزیلليكلر كؤپ، سيزلرهم بيري
يؤنه اويلانمالي: «نأتسك بور دوغري؟»
غیًز-گلينده حايا كؤپموًش، اوزاللار
اِي گؤزللر گؤرك غاپلانان گؤزللر.
غوُراقليًق حاقدا
غیًش پاسلي،
چشمهلر جوش اوُريار صََحرا گوًيزهيأر
اِنتأك غاردان اوزال
ساپالي هووا
گؤيه يازيًنگ ناغشي
غايتالانيًپ دوُر
گيجه هِم سر اِتسِنگ آسمانا-گؤگه
آلتيًن مِرجنلرهم، يالپيًلداشیًپ دوُر
چوپانلار ياپيًنجآ درهك گؤرمأني
سوًري بيلن يايناشیًپ يؤر
اويناپ يؤر
نوُر اوًستوًنه نوُر.
يؤنه بوُ زات گلجك يازي غیًنايار
دايخان آغا توموُس پاصليًن غايغی اِتيأر
غار ـ غار ـ غار!
غیًش، اوًستوًنگه آبانيًپ دوُر
اونوُنگ دينگه آدي بار
گؤك یاشیًلليًقلاردان غار اؤرأن اونگات
غیًش پاصلي غار بيلن غیًشا منگزهيأر
يرهم، يردأكي اوت-چؤپِم، كؤكلرهم
دينگه غاردا غايناپ غاييًم بركهيأر
غار ـ غار ـ غار!
موُنگا دينگه بيز ایًنسان لار گوًنأكأر
صَحراميًنگ توقايلار باغلاري هاني؟
اولاري يوق اِدن كيمدير اؤيديأس؟
دينگه اؤزوًميز اؤز دوُرموُشیًميًزيًنگ
گلهجگميزينگ
دوًیبوًنه پالتا اوُران، دينگه اؤزوًميز.
آياغیًمدان آچ زيًنجيًري
آياغیًمدان آچ زيًنجيًري، باغلاما
بوُ قالبا،
ايلكي سالام برهن سن دألميدينگمي؟
هِر يانا غاچسام-دا غاشيًمدا غوندوُنگ
اؤزوًنگ، سؤيسنگ ديييپ اوًم اِتدينگ آخیًر.
سندن ایًنخا كؤپ اويوُنلار گؤردي گؤز
ایًنخا تور غوُروُپسينگ، ایًنخادا زيًنجيًر
گيجهلرنه گؤگه باقيًپ غان اِنگرأپ
دوُزاقدا من گؤيه غوُشلارا مِنگزأپ
يا-دا:
غوُران كؤل ايچينده، بير باليًق دهيين
هِر يانا اوُرنوُپ
دوًنیأنگ اوُزاقليًغی داديًما يتمأن.
گؤروًپ دوُرسانگ اِگر منينگ بوُ حاليًم
نأهیل جيًداملي سن؟! داد-هارای هاني؟
سندن مانگا اِي عِزیز.
آشناليًغی اوُنوُتديًنگ مي شيله تيز؟
يا-دا دوسلوُغميًزدان يوق ميديًر درهك
كؤيوًپ يانيًپ يؤرأ بوُ اِجيز یوًرِک
دينگه اوني گؤز ياشلاريًم كؤشِديأر
يا، ياش لاريًم سن مي؟!
سندن سووغات مي؟.
آغشام گلدينگ دوًيشوًمده
آغشام گلدينگ دوًیشوًمده ديداريًنگا زار ديييپ
دییدینگ غاضاپدان دولي سندن يانگا یوًرِگيم
سونگقي اِدن ايشينگي هالاماديًم نيلأپسينگ
ديييپ یوًزنگي ساللادينگ گؤزلنگه ياش تگهلأپ!.
دؤزمهديم جبره سني پيًشمان اولوُپ اِرهديم
چوًنکی گچميش بير زامان دينگه سندينگ گرهگيم.
سونگ اِللرينگدن توُتوُپ دییدیم سن بِيله بولما
ايستهسنگ من دورايين غاشيًنگدا سن چال مني
بيردن اِرأن بوُز دهيين گوًل یوًزوًنگني گوًلدوًريپ
گؤيه جننِت ميًثالي باغیًنگ غاپيسيًن آچديًنگ
نأزينگ بيلن مِيميرأپ دییدینگ غوينا سال مني
دوزاقدا كؤيمهسين ديیپ دییدینگ غوُتار آل مني.
باغیًنگداقي گوًللري ايًسغاديم، اؤپديم، اون سونگ
گؤزلريمني جادي لاپ كؤپ کوًیسهلن آلما نار
چمنلرينگ اوًستوًنده ياپلانيپ هِزیل اِتديم
بال ايچيردينگ گوًلوًنگدن غانماديًم دییدیم ينه
دییدینگ غانما تيزدن تيز دووامي بولسوًن هِزار
میًدام دوُووُشماق چتين آغیًر ينه اينتيظار.
بيردن اويانديًم گؤرسم گوًن دوغوُپديًر نوُرانا
سني گوًنه منگزِديأن گوًني سانگا منگزِديأن
چوًنکی سني گؤرمك قیًن گوًنِم گوًنده دوغوُپ دوُر
ساغليق بولسا هر زامان گوًن دوغاندا عِزیزيم
ياديًما سن دوًشِرسينگ اوني سانگا مِنگزِدیأن
اينگ اووادان نأمه بار؟ شوني سانگا مِنگزِدیأن!.
بولماغیًن ناشي
غارشيًنگدان گِلنده باياق عِزیزينگ
گوًنينگ شؤلهسي دهي بارق اوُردي یوًزي
اِماي بيلن باقدي، غاماشدي گؤزوًنگ
یوًرِگينگ اِرهدي سوًزِنده گؤزي.
ديلي ديًميًپ گؤيأ اِيلاپدي اوُيات
شوندا گوًل یوًزوًنده اوقاپديًنگ بير زات
ديًمسا هِم یوًرِگي هايقيًريًپ دوُردي
كؤزوًگن عیًشق اودوُنگ اِليندن پريات.
كؤنگلوًني غوُرشاپدي سؤيگي آتاشي
اوني دوُيان قالبيًنگ يانيًپ حايران دي
يؤنه نأتجِك تاغديًر يازاندا يازغیًت
بِيله عیًشغیًنگ دؤرهجگني بيلمأندي.
اونوُنگ اوًچین آيرا دوًشوًردي سيزي
نأتجك دؤزمهسِنگم آيراليًق درده
عاشیًقليًق میًداما آيراليًق بيلن
ايكيسِم بير زات مي! بيلينمز هِر نه.
ايندي سن كؤسِنمه دوًشوًريپ يادا
واخ بوُ اؤنگدن گليأن يؤرگوًن لي قادا
عاشیًق ماغشوُغیًندان آلسا-دا وادا
پلِگينگ اِليندن گليپدير دادا.
بوُ بير سيًناغ جاي ديًر بولماغیًن ناشي
جبره كيم دؤزمأندير بوُ غارا باشي
پلِك سانگا اِگر چيًتسادا غاشي
زور گليپ اؤتوًرگين بريلن ياشي.
غونگشي اوبادا
بوُ گوًن اول اوبادا،
بير جوًپ ساچي كسيلن حاياسيًز غیًرناق
توي توُروُزديلار
اوُيات يرلريندن سؤز آچيًپ يانگراپ...
بیر-بیرینه تؤهمِت باریًنی یؤنگکأپ
هایال حايآلارني يره سوقدوُلار
شِيطانينگ ساپاغیًني اؤكده بشيريپ
يا- خا شيطانا-دا ساپاق برديلر
تانگريم! توبا ديييپ توُتدوُم ياقامي؛
- يارادان نأرسأنگه سر اِدنسينگأ!
عاقیًل اوجاغی!!
نِچوًين،
ایًنسان دییه ن آدا بولمایار لاییًق؟!
كأته حایواندانام غايرا گؤروًنیأر؟!
شيله باسغی لاري گؤرن گؤزلريم
بِِينيمدن بير كأميل جوغاپ طاماكين
يؤنه مني، يؤنه بيزي، يؤنه شول بيحايا ايكي غیًرناغی،
-بارچاني-،
بِيله يؤوسِل ياراتماغیًنگ نه دركار!
توبا تانگريم اِگر بولسام گوًنأكأر!.
قابوُس دينگينينگ موًنگ ییًلليًغیًنا
(کوًممِدیم )
موًنگ ییًلليًق تاريخي باشدان گچيرن
قابوُسدان ياديگأر غالان کوًممِدیم
شونچا عاصیًر ياشا بيلدينگ، ياشا سن
شؤهراتي عألمه دولان کوًممِدیم.
گوًن اورتانگدا بييك داغیًنگ حاطاري
غايرانگدا تولقوُنلي گوًرگن آقاري
گنگيرگِتدينگ گوًن دوغار گوًن باتاري
بييك بينا آديًن آلان کوًممِدیم.
بوًرگوًت كيمين پنجه تارتان أرلره
ياغشي، يامان، بييكلره، هآرلارا
ظوُلم اِديپ غان ايچن اول هوًنكأرلره
هایبات بيلن ناظار سالان کوًممِدیم.
دابارالي شَهري جوًرجان نه بولدي
تانگرينينگ غوُدراتي لرزانا سالدي
كيمسهلر ييًغلاشدي كيمسهلر اؤلدي
يوووُز گوًن غام سازيًن چالان کوًممِدیم.
صَحرام طيًللا یوًزوًك سن اونوًنگ غاشي
حايرانا غالديًرسينگ ياقیًني، داشي
آللام نصيپ اِتسين موًدیمليك ياشي
غوُدرات بيلن بينا بولان کوًممِدیم.
«محمّدينگ» يولي
اِي كراماتلي عارشا گوًزِر اِدن نوُرانا ايًشيًق
سنگ دمينگدن دووامات تاپيًپ
داناليًق داراغتين اِکلأپ
سنگ عیًشغینگدا غوجورلانيپ
گؤز يتيمده اوُميًت گؤزلأن كؤپليأر.
غارا بوُلوُتلاري
راخماتلي ياغميًرا يازديًران غوُدرات
حأضيركي نسيل، گلهجك نسيل
-آراسسا آسمان-
ساوچي دوُرنالارا سر اِتمك گرك
یوًرِکلردن آلاو اؤجوًگيپ توُريار
آنا ـ «محمّدينگ» يولي، كِروهنه
تأزهدن ایًشغالانگ تاپيًپ
تيجِنيأر،
آنا ـ تأزه سارايلار
يولي بزهيأر.
كروهن كيمه اويان؟
«سيموُرغیًنگ» سؤوداسي باشيًنا دوًشِن
اِنچه دانا غوُش!
بوُلار كيمه اوُيان؟
أرلر كيمه اوُيان؟
بوُلار یوًزوًجيلر
ترينگ دريا-دا
بوُلار،
عيًليًم درياسيًنا منگزهش كيتابي
هينگلنيپ دوُرلار.
دوًنیأم
ياتیپر اِي غارانگقي دوًنیأم،
هوُمار!
غوي سنينگ گؤزلرينگ
ظوُلما غاپيًلسين
سن بوُغاران، آغی لاري ديًميًپسينگ!.
ِگپ يتمك-ده دأل
گؤز يتيمينگ اوُزاقدا بولسوُن
گِپ،
يِتمكده دأل
اِيسِم
گيتمكده دير
هِر ايدأنگ، هِر يودانگ
سونگوُنا چاتسانگ
اير وُ گيچ
اِجيزليگيني دوُيايسانگ گرِک.
آدام،
بيلسنگ دوُرماز
بير دوُرالغادا
هِم يؤرهمز میًدام بير يؤرهلگهده
يولوُني اوًيتگتمك اونوُنگ دأبي دير!.
گوًيز حاقدا
چمنلر گوًيزأپدير
یاقیًملي ايرِنگك
گؤرك غوشوُپ بوُ دوًنیأنگ گؤزل گؤركوًنه،
آغاچلارا وِلین
اِنه طبیغات
ديًنچ سالیًم لار بريپ
يلپهيأر يله
گؤيه اوُقا گيدن بوُ آغاچلاري
گوًيزوًنگ ساللانچاغی هوًودأپ ايًرايار!.
ياش شاخیًرا اوًچین
سن غاپيًلان يرده ياتان آلما دأل
سن تاقيًران اؤزي تشنه آرنا دأل.
سن آغلاسانگ چشمه نهچوًين آقماسيًن؟!
بوُلوُت نهچوًين گؤز ياشيًني دؤكمهسين؟.
دريانينگ تولقوُني كؤنگلوًنگ غومي ديًر
يا گؤزلرينگ سنينگ دردينگ اؤزوًدير.
اِي گؤزِليم غام گهيينِن گؤزلرينگ
آلاووُندان جوشا گليأر سؤزلريم.
اِرهدهنينگ یوًرِک سنينگ مكانينگ
سن اوُيامسيًنگ تأ سونگوُنا دوواميًنگ.
سني گؤرمأن...
سني گؤرمأن كؤيوًپ من! گؤرسم نأدهرسينگ مني؟!
بوُ ياغدايدان ياريًمان يا كي هیچ گؤرمن سني؟!
آلدانيًپ من دیيسم-ده حيًياليًمدان گيدِنگاق
يا ایًنانسام یوًرِکدن بِينيم تاصديًق اِدهناق.
كؤپ سالیًم لار اويلانيًپ پيكير دريادا یوًزسِم
بلكي تاپديًرسيًنگ مانگا بوُ گينگ دوًنیأني گزسِم.
اِي طاما من لوًطپينگه گؤركِز یوًزوًنگ گؤزلمه
من آوارا-ن ايًقلاديًپ غاير-ا سوًيجي سؤزلمه.
كيم کِيپ بيلن دوًنیهده اوُچمآدا ديًر گؤيهكي
واخ عِزیزيم نأمه دييپ بردينگ مانگا چوخ يوًكي.
سني گؤرمأن كؤيوًپ من! گؤرسم نأدهرسينگ مني؟!
بوُ ياغدايدان ياريًمان يا كي هیچ گؤرمِن سِني؟!.
حاليًص
حاليًص!
اينگ سونگقي أديم دأل
منزيل اوزاقدا
يؤنه ـ
اينگ سونگقي يوُودوُم!
توًنگچأمي تاشلامدا ـ
بولايجاق ايش يوق!.
ايندي دينگه غامدان يازاسيم گليأر
نيچهلر غارراندا عاشیًق بولارميًش!
يؤنه من ياشليًقدا عاشیًق بولوُپديًم
ايندي عیًشق موًلكوًني تاشلاماقدا من
ايندي دينگه غامدان يازاسيًم گليأر
گؤيه تؤوهره گمي غوُرشاپديًر اؤيديأن
غام! اِي،
مني سايلاپ سچِن ساداليًق
دوُيغوُلارمي سانگا دؤزهسيم گليأر
سن بولماسانگ آدام بِلكي بولمازدي
سن بولماسانگ گوًلكي هِزیل بولمازدي
غام!
آغلاياريًن ياشلار جوشوُپ گؤزوًمدن
ـ سن مگرده گؤزلريمينگ ياشيسينگ
دوًين بالامي
ـ گؤرگي گؤرهن بالامي ـ
اِليم بيلن تابشيًرامدا توپراغا
سن غولوُمدان گؤتريپدينگ
غام!
اوباميًزدا ـ شو دوًنیأده ـ
ينه بوُ گوًن گوًناسيزجه چاغا چكيأر اوُلي درت
ينه سانگا پِنا گتيريأن سر اِت
گؤزلريمينگ ياشي آقيار ينهده
آدام اوغلي بير جان، تندن اؤرنگأپدير
بيري ايًنجاپ درت چكنده،
بيلهسي،
سندن یوًرِکلرنه شيپا سورايار
اِگر شول درتلينينگ ساني كؤپلسه
یوًزلري سولسا
يا نيچهسي اؤلسه
آللام غوراماسا بلا بتردن
غام!
سندن باشغا هارای بولماز هیچ يردن!.
حميد پورمحمدي اوًچین( حالیپانگ شأگیردی بولان اوُسسات «احمدبوتیمار»ینگ ایسله گی بویوُنچا غوشوُلان غوشغی)
ايل کوًیوًندن گيتمأن ياشار میًدامي
«حميد» آغام سنينگ ياديًنگ هم آديًنگ
سن اول دات لي سِسينگ- اووازيًنگ بيلن
ياغشيليًغی ايل گوًنوًنگه سارغاديًنگ.
سنينگ آليًپ باران بييك هوًنأرينگ
هوسساري كؤپ دووام اِديأر ايللرده
ذيكير يانگلانيپ دوُر سنگ سِسينگ يالي
صَحرامدا، آليًسدا، گيدن زاللاردا.
سنده باردي سؤيگي واطانا- ايله
گرچكدينگ ياشليًقدان عیًشغا باش غوشدوُنگ
بوُ عیًشق واطان اوًچین ايلينگ اوًچیندي
دينگه شولار اوًچین ياشاديًنگ جوشدوُنگ .
بوُ گوًن اِكلاپ گيدن بييك هوًنأرينگ
حورماتيًن حاقلاپ دوُر هِر بير شأگيردينگ
آللام سؤيوًپ باغش اِدنسونگ راخماتيًن
آدي ييتمز هِرگيز سن دهي أگيردينگ .
بوُ ايليمينگ ميللي دأبي هوًنأري
دوًنیأ دوواميًندا دووام دينگلنسين
اِي وپادار اؤز ايلينه حاليپام
غوي سنگ آديًنگ آيديًملاردا يانگلانسيًن!.
پارلاسا اِركينليگيم
دوسلار ياغشيدان ياغشي بولسا بير گوًن زامانا
هوش هووادا دملهنيپ گزسك اِسن آمانا
اوًستوًنليگينگ اووازي هؤزير برسه بو جانا
آيديًنگ يولا غارالسا باش بريلمسه هانا
پارلاسا اِركينليگيم يان برمسه دوُشمانا.
ياريًش بولسا اِگرده غیًزيًل جيًنلي تاي بولساق
تلك يرده گؤروًنمأن دالاشدا ساي ساي بولساق
سیًپايي بول ديیسهلِم دوُشمان باشا، غاي بولساق
غانيًم اوقي دؤووًلسه هآر دؤنسه گوًلوًستانا
پارلاسا اِركينليگيم يان برمسه دوُشمانا.
يابان اوتي چمنلر اوًلپوًللشيپ هِر باخار
گوًل -گوًلألِگينگ ايًسي بارچا مكانا بارار
اِركينليك باخاريًندا آدامزاد هووالانار
توي توُتوُلسا هِر زامان شات بولسا أر زنانا
پارلاسا اِركينليگيم يان برمسه دوُشمانا.
غاريًپلاريًنگ كؤنگلوًندن چیًقسا غامي- نالاسي
آغلاماسا هیچ زامان آدامزاديًنگ بالاسي
آبات بولسا اؤز اوًلكأم بولماسا وِيراناسي
بوشاسا دوُزاقلاردان يِتيشسه آق دؤورانا
پارلاسا اِركينليگيم يان برمِسه دوُشمانا.
«کیتابیًنگ سونگی»